ខេត្តបន្ទាយមានជ័យ៖ រថយន្តធុនធំដឹកគោ១គ្រឿង រេចង្កូតបានបុករះ រថយន្ត១គ្រឿង និងម៉ូតូ២គ្រឿង តូបលក់សាំង និងតូបលក់ទូរស័ព្ទនិង ផ្ទះ២ខ្នង សំណាងគ្មានអ្នករងរបួសកើតឡើងនៅវេលាម៉ោង៦និង២០នាទីល្ងាច កាលពីថ្ងៃទី០៧ ខែមិថុនា ឆ្នាំ២០២១ ស្ថិតភូមិជោកជ័យ ឃុំអូរបីជាន់ ស្រុកអូរជ្រៅ។

មន្ត្រីនគរបាលចរាចរណ៍ផ្លូវគោក ស្រុកអូរជ្រៅ បានប្រាប់ថា៖ អ្នកបើកបររថយន្តធុនធំឈ្មោះ ឃុន ប៊ុននី ភេទប្រុស អាយុ២៨ឆ្នាំរស់នៅភូមិចាន់ដាំ ឃុំស្វាយសន្ធោ ស្រុកព្រៃវែង អ្នកបើកររថយន្តកាមរីឈ្មោះ អូន ហ៊ុច ភេទប្រុសអាយុ៣២ឆ្នាំរស់នៅភូមិជោកជ័យ។

មន្ត្រីនគរបាលបានបញ្ជាក់ថា៖ នៅពេលគ្រោះថ្នាក់ចរាចរណ៍កើតឡើង គឺឈ្មោះ ឃុន ប៊ុននី បានបើកបរតរថយន្តធុនធំម៉ាកហ៊ីយ៉ាន់ដាយ ពាក់ផ្លាកលេខកំពង់ចាម 3A.9059 ដែលអូសទ្រុងដឹកគោបើកបរទិសដៅជើងទៅត្បូង ដល់កន្លែងកើតហេតុបានរេចង្កូតទៅបុករថយន្តកាមរី សេរីចាស់កាត់ទ្រុង១គ្រឿងបណ្តាលខូវចខាតមួយចំហៀង ហើយរុញទៅបុកម៉ូតូ២គ្រឿងចតចោល និងតូបលក់សាំងដប២តូប និងតូបលក់ទូរស័ព្ទ១តូបនិងតូបកាត់សក់១តូប រុលទៅបុកផ្ទះចំនួន២ខ្នងបណ្តាលខូចខាតតែសំណាងល្អមិនគ្រោះថ្នាក់ដល់អាយុជីវិត។

មន្ត្រីនគរបាលបានបញ្ជាក់ថា៖ ក្រោយពេលគ្រោះថ្នាក់ចរាចរណ៍កើតឡើងមន្ត្រីជំនាញបានចុះទៅពិនិត្យវាស់វែងមូលហេតុគ្រោះថ្នាក់ចរាចរណ៍កើតឡើងបង្កដោយរថយន្តធុនធំឡានដឹកគោក្របី ដែលបើកបរគ្មានការប្រុងប្រយ័ត្នបណ្តាលរ៉េចង្កូតទៅផ្ទះប្រជាពលរដ្ឋ២ខ្នង ខូចខាតស្ទើទាំងស្រុង និងតូបលក់ទូរស័ព្ទនិងតូបជាងកាត់សក់និងបុករថយន្ត១គ្រឿងម៉ូតូ២គ្រឿងបណ្តាលខូចខាតស្ទើទាំងស្រុងនិងបុកតូបលក់សាំងដប ចំនួន២តូបសំណាងណាស់មិនឆាបឆេះគ្រោះថ្នាក់កើតឡើងហើយកម្លាំងជំនាញឃាត់អ្នកបើកបរបង្កគ្រោះនិងយករថយន្តបង្កទៅរក្សាទុកអធិការដ្ឋាននគរបាលស្រុកអូរជ្រៅ ដើម្បីដោះស្រាយតាមច្បាប់៕ដោយ៖រដ្ឋា