ខេត្តកំពត ៖ រន្ធត់ណាស់ មនុស្សជាច្រើននាក់បានរងរបួសធ្ងន់ ដោយខ្លះបានគាបជាប់ក្នុងកាប៊ីនរថយន្តរងរបួសធ្ងន់ និងខ្លះទៀតរងរបួសធ្ងន់ដូចគ្នា ត្រូវបានបញ្ជួនទៅសង្គ្រោះបន្ទាន់នៅមន្ទីរពេទ្យ ក្រោយជួបគ្រោះថ្នាក់ចរាចរណ៍រវាងរថយន្ត ៣គ្រឿង ក្នុងនោះមានរថយន្តស៊េរីទំនើបម៉ាកឡិចស៊ីស ៥៧០ មួយគ្រឿងផងដែរ បានបុកគ្នាខ្ទាតទៅម្ខាងទៀត លាន់ដូចរន្ទះ ខណៈកំពុងបើកបរបញ្ច្រាស់ទិសគ្នា។
ហេតុការណ៍នេះបានកើតគឡើង កាលពីវេលាម៉ោង ៤ និង២០នាទីល្ងាច ថ្ងៃទី ១១ ខែមិថុនា ឆ្នាំ២០២១ លើផ្លូវជាតិលេខ៣ ចន្លោះបង្គោលគីឡូម៉ែត្រ១៣៨-១៣៩ ក្នុងស្រុកទឹកឈូ ខេត្តកំពត រាជធានីភ្នំពេញ ។
តាមប្រភពព័ត៌មាន បើតាមបងប្អូនប្រជាពលរដ្ឋ បាននិយាយបឋមថា ដំបូងឡើយ គាត់បានឃើញរថយន្តម៉ាកឡិចស៊ីស ៥៧០ ពណ៌ស បើកបរដោយឈ្មោះ លឹម ស៊ីឌឿន ភេទប្រុស អាយុ៤២ឆ្នាំ នៅភូមិហនុមាន ឃុំកណ្ដឹង ស្រុកបាទី ខេត្តតាកែវ (មានអ្នករបួសដំណើរជាមួយជនជាតិចិន៣នាក់ ក្នុងនោះមាន២នាក់របួសធ្ងន់ បញ្ជូនទៅមន្ទីរពេទ្យនៅភ្នំពេញ) ។
ចំណែកភាគីរថយន្តម៉ាកដេវូ ពណ៌សលាយខៀវ បើកបរដោយឈ្មោះ ជុំ គង់ ភេទប្រុស អាយុ ៣៤ឆ្នាំ នៅភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្ដាល របួសបាក់ដៃឆ្វេងបញ្ជូនទៅមន្ទីរពេទ្យបង្អែកខេត្តកំពត ដោយរថយន្តនេះបើកបរពីត្បូងទៅជើង។
ចំណែកភាគីរថយន្តទី៣ ជារថយន្តម៉ាក FUSO ពណ៌ស បើកបរដោយឈ្មោះ មាង សារ័ត្ន ភេទប្រុស អាយុ២១ឆ្នាំ រស់នៅភូមិទឹកក្រហម ឃុំកណ្ដោល ស្រុកទឹកឈូ ខេត្តកំពត របួសធ្ងន់រួមដំណើរ២នាក់ ដោយឈ្មោះ មាង សារ៉ូ ភេទប្រុស អាយុ២៥ឆ្នាំ (របួសធ្ងន់) និងម្នាក់ទៀតមិនបានស្គាល់ឈ្មោះ បញ្ជូនទៅមន្ទីរពេទ្យបង្អែកខេត្តកំពត។
ក្រោយកើតហេតុ សមត្ថកិច្ចនគរបាលចរាចរណ៍ស្រុក សហការជាមួយនគរបាលចរាចរណ៍ជំនាញផ្លូវគោក បានចុះមកធ្វើការវាស់វែង ហៅរថយន្តសាមុយមកដឹកជនរងគ្រោះទៅសង្គ្រោះ និងធ្វើការវាស់វែង យករថយន្តទាំង៣គ្រឿងទៅរក្សាទុកនៅការិយាល័យជំនាញ ចាត់ការតាមច្បាប់បន្តទៀត៕
