ខេត្តបាត់ដំបង៖ កាលពីម្សិលមុិញនៅវេលាម៉ោង ១៥ និង ៣០នាទីថ្ងៃទី១១ ខែមិថុនា ឆ្នាំ២០២១ នៅចំណុចភូមិដូង ឃុំបឹងរាំង ស្រុកកំរៀង ខេត្តបាត់ដំបង កម្លាំងកងរាជអាវុធហត្ថខេត្តបាត់ដំបង បានធ្វើការបង្ក្រាប ០១ករណីគ្រឿងញៀន ដោយបានឃាត់ខ្លួនជនសង្ស័យ០១នាក់ឈ្មោះ យឿន ជឿន ភេទប្រុស អាយុ ៣៦ឆ្នាំ មុខរបរមិនពិតប្រាកដ រស់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង និងបានចាប់យកវត្ថុតាង ម្សៅក្រាមពណ៌សថ្លាចំនួន០៥កញ្ចប់ សង្ស័យសារធាតុញៀន ទម្ងន់ជាងមួយគីឡូក្រាម, ម៉ូតូ០១គ្រឿង និង ទូរស័ព្ទ០១គ្រឿង។

បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿងតាមនីតិវិធី៕