រាជធានីភ្នំពេញ:រថយន្តកូរ៉េឃ្លុបដឹកទំនិញបើកលឿនមិនប្រយ័ត្នជាន់ហ្រ្វាំងមិនសុីបុករះរថយន្ត២គ្រឿងទៀរងការខូចខាតយ៉ាងដំណំ បង្កការកកស្ទះយ៉ាងខ្លាំង សំណាងមិនមានអ្នករងរបួស។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០នឹង០០នាទីព្រឹកថ្ងៃទី១៤ខែមិថុនាឆ្នាំ២០២១ ស្ថិតនៅតាមផ្លូវ២១៧កែងផ្លូវចូលទីលានចាក់សំរាមចាស់ ភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តកូរ៉េឃ្លុបដឹកទំនិញមួយគ្រឿងម៉ាកkai ពណ៌ស ពាក់ស្លាកលេខ ភ្នំពេញ3B-5801បើកបរដោយបុរសម្នាក់ធ្វើដំណើរតាមបណ្ដោយផ្លូវ២១៧ទិសដៅពីត្បូងទៅជើងក្នុងល្បឿនលឿន ខណ:មកដល់ចំណុចកើតហេតុជាន់ហ្រ្វាំងមិនសុីជ្រុលទៅបុករថយន្តតួរីសម៉ាក ម៉ែកសឺដេស ពណ៌ស ពាក់ស្លាកលេខភ្នំពេញ2AU-5260ធ្វើដំណើរស្របគ្នានៅពីមុខបណ្ដាលអោយខូចខាតរួចរ៉េចង្កូតទៅឆ្វេងដៃបុករថយន្តមួយទៀតម៉ាកហុងដា CRV ពណ៌ខៀវ ពាក់ស្លាកលេខ កំពង់ចាម 2A-3677ពីក្រោយដែលធ្វើដំណើរស្របគ្នាបណ្ដាលអោយរងការខូចខាត ហើយមានការកកស្ទះចរាចរណ៍យ៉ាងខ្លាំង តែមិនបង្កអោយមានអ្នករងរបួសនោះទេ។

ក្រោយកើតសមត្ថកិច្ចមូលដ្ឋានបានចុះមកដល់ជួយសំរួលចរាចរណ៍គូសវាសបាញ់ថ្នាំយករថយន្តអែបខាងដើម្បីបញ្ជៀសការកកស្ទះចរាចរណ៍នឹងទុកពេលអោយគូរភាគីទាំងសងខាងធ្វើការដោះស្រាយគ្នា ក្រោយមកខាងភាគីរថយន្តបង្កចេញថ្លៃជួសជុលទាំងអស់ទៅរថយន្តម៉ែកសឺដេសនឹងរថយន្តហុងដាCRVដើម្បីបញ្ចប់រឿងនៅកន្លែងកើតហេតុ។