រាជធានីភ្នំពេញ ៖ នៅវេលាម៉ោង ៣ជិត៤រសៀល ថ្ងៃទី១៤ ខែមិថុនា ឆ្នាំ២០២១នេះ ឪពុករបស់ ប្អូនហុង បានមកទទួលយកធាតុរបស់កូន ហើយដើម្បីយកទៅធ្វើបុណ្យតាមប្រពៃណីនៅស្រុកកំណើត ក្នុងវត្តព្រែកលាភ សង្កាត់ព្រែកលាភ ខណ្ឌជ្រោយចង្វារ រាជធានីភ្នំពេញ។

បើតាមការបញ្ជាក់ពីឪពុករបស់ប្អូនហុង ដែលគាត់សព្វថ្ងៃប្រកបមុខរបរជាកម្មករសំណង់ នៅខេត្តព្រះសីហនុ ។ ប្អូនហុង ដែលជាកូនរបស់គាត់ មានឈ្មោះពេញ គឺ ម៉ិញ ម៉េងហុង កើតឆ្នាំ២០១១ នៅភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ ។

ពេលនេះ គាត់នឹងយកធាតុរបស់កូន ទៅធ្វើបុណ្យតាមប្រពៃណី នៅឯស្រុកកំណើត ខេត្តតាកែវ ៕