រាជធានីភ្នំពេញ៖ ជនសង្ស័យម្នាក់ ត្រូវបានសមត្ថកិច្ចប៉ុស្តិ៍និរោធ ធ្វើការចាប់ឃាត់ខ្លួន ក្រោយធ្វើសកម្មភាពលួចម៉ូតូរបស់បុរសម្នាក់ បានសម្រេច ហើយព្យាយាមរត់គេចខ្លួន កាលពីវេលាម៉ោង ៧ ថ្ងៃទី១៤ ខែមិថុនា ឆ្នាំ២០២១ នៅចំណុចមុខផ្ទះលេខ២៥២ ផ្លូវ៣៥១ ភូមិតាងៅក្រោម សង្កាត់និរោធ ខណ្ឌច្បារអំពៅ រាជធានីភ្នំពេញ។

តាមរបាយការណ៍ពីសមត្ថកិច្ច ដែលក្រុមការងារ TVFB ទទួលបានបញ្ជាក់ថា ជនរងគ្រោះឈ្មោះ យ៉ិច យ៉ាន់ដា ភេទ ប្រុស អាយុ ៣៩ឆ្នាំ មុខរបរ លក់ដូរ ស្នាក់នៅផ្ទះកើតហេតុ។ ចំណែកជនសង្ស័យឈ្មោះ ជឿង ទឹង ភេទ ប្រុស អាយុ ៣១ឆ្នាំ មុខរបរ មិនពិតប្រាកដ ស្នាក់នៅបន្ទប់ជួលគ្មានលេខ ផ្លូវ លំ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ (ប្រើប្រាស់គ្រឿងញៀន) ។

របាយការណ៍ដដែលបន្តថា មុនពេលកើតហេតុ ជនរងគ្រោះទុកម៉ូតូ១គ្រឿង ម៉ាក Honda Wave ពណ៌ខ្មៅ ផ្លាកលេខ 1BX- 4741 លេខតួ+លេខម៉ាស៊ីន ០៨៤៦៦១ នៅចំណុចកើតហេតុ ដោយទុកកូនសោជាប់នឹងម៉ូតូ រួចក៏ចូលក្នុងផ្ទះ ស្រាប់តែជនសង្ស័យដើរមកដល់ធ្វើសកម្មភាពលួចម៉ូតូជនរងគ្រោះជិះគេចខ្លួន ពេលនោះជនរងគ្រោះឃើញស្រែកចោរៗ ក៏មានសមត្ថ កិច្ចល្បាតជួយឃាត់ខ្លួនជនសង្ស័យ និងដកហូតវត្ថុតាងម៉ូតូ០១គ្រឿងម៉ាកខាងលើ (ជារបស់ជនរងគ្រោះ) និងដែកកែ ច្នៃចុងស្រួចសម្រាប់កាច់សោកម៉ូតូចំនួន០១ បញ្ជូនមកអធិការដ្ឋាននគរបាលខណ្ឌច្បារអំពៅ ចាត់ការតាមច្បាប់តែម្តង៕ មេសា