ខេត្តបន្ទាយមានជ័យ៖ ជនសង្ស័យបែកថ្នាំដេញកាប់ឪពុកបង្កើត រត់គេចផុត កាប់បំផ្លាញទ្រព្យសម្បត្តិក្នុងផ្ទះ ត្រូវឪពុកប្តឹងចាប់ខ្លួន នៅវេលាម៉ោង៨និង៤៥នាទី កាលថ្ងៃទី១៣ ខែមិថុនា ឆ្នាំ២០២១ស្ថិតភូមិថ្មី ឃុំ.ស្រុកម៉ាឡៃ។
លោកវរៈសេនីយ៍ឯក បេន សំអាត អធិការនគរបាលស្រុកម៉ាឡៃបានប្រាប់ថា៖ ជនសង្ស័យដែលត្រូវឃាត់ខ្លួនមានឈ្មោះ សោ សិដ្ឋ ភេទប្រុស អាយុ២២ឆ្នាំ រស់នៅភូមិកើតហេតុខាងលើ។
លោកបានបញ្ជាក់ថា៖ ក្រោយទទួលពាក្យបណ្តឹងឈ្មោះ សាំង ពែក ភេទប្រុស អាយុ៦៥ឆ្នាំ ត្រូវជាឪពុកបានប្តឹងជនសង្ស័យឈ្មោះ សោ សិដ្ឋ បានញៀនថ្នាំ រឺគ្រឿងញៀន ដល់កម្រិត បានយកកាំបិតខ្វែវ ដេញកាប់គាត់ជាឪពុក សំណាងណាស់ដែលរត់គេចផុត ហើយជនសង្ស័យកាប់បំផ្លាញទ្រព្យសម្បត្តិក្នុងផ្ទះខូចខាតអស់ ទើបប្តឹងសមត្តកិច្ចឃាត់ខ្លួនអោយចាត់ការតាមច្បាប់ ដោយលែងអាឡោះអាល័យទៀតហើយ។
លោកវរៈសេនីយ៍ឯក បេន សំអាត បានបញ្ជាក់ថា៖ ក្រោយពេលឃាត់ខ្លួនជនសង្ស័យដែលត្រូវបានដេញកាប់ឪពុកបង្កើតខ្លួន និងកាប់បំផ្លាញទ្រព្យសម្បត្តិក្នុងផ្ទះខ្ទេចហិនហោចអស់ ដោយសារជនសង្ស័យប្រើប្រាស់គ្រឿងញៀន ដែលញៀនដល់កម្រិតគឺបែកថ្នាំដែលដេញកាប់ឪពុកបំផ្លាញទ្រព្យសម្បត្តិក្នុងផ្ទះត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕ ដោយ៖ចិន្ត្រា
