រាជធានី ភ្នំពេញ ៖ កាលពីរសៀលថ្ងៃទី១៤ ខែមិថុនា ឆ្នាំ២០២១ ម្សិលមិញនេះ ឪពុកបង្កើត និងជីដូនរបស់ប្អូនហុង បានជិះកង់បីឥណ្ឌា ឡើងមកពីខេត្តព្រះសីហនុ ឆ្ពោះមកកាន់វត្តព្រែកលៀប ដើម្បីទទួលយកធាតុប្អូនហុងហើយ ក្រោយព្រះសង្ឃបានបូជាតាមប្រពៃណី ដោយគ្មានសាច់ញាតិណាមកនោះឡើយ កាលពីថ្ងៃទី១៣ ខែមិថុនា ឆ្នាំ២០២១ វេលាមោង១២ថ្ងៃត្រង់ ។

អ្វីដែលមហាជន ហួសចិត្តនិងកាន់តែអាសូរខ្លាំងទៅលើប្អូនហុង ទៅទៀតនោះ ពេលនៅរស់ ជាក្មេងអនាថា គ្មានអ្នកណាទទួលស្គាល់ ដើររហេតរហូត ពីកន្លែងទៅកន្លែងមួយ ធ្លាប់រស់នៅមណ្ឌល ធ្លាប់រស់នៅតាមវត្ត គ្មានអ្នកណចេញមុខទទួលស្គាល់ បែរជាពេលប្អូនហុងស្លាប់ទៅហើយ សល់តែធាតុ ដែលមហាជនមានការអាណិតអាសូរខ្លាំងនោះ បែរជាដណ្តើមគ្នាយកធាតុទៅវិញ បន្ទាប់ពីឪពុករបស់ហុង បានយកឯកសារមកទទួលធាតុកូន ទៅធ្វើបុណ្យតាមលទ្ធភាពដែលគាត់មាននៅឯស្រុកកំណើតខេត្តតាកែវ ស្រាប់តែមាននារីម្នាក់ អះអាងថា ជាមីងរបស់ប្អូនហុង មកដណ្តើមធាតុពីឪពុករបស់ហុង ចង់ទៅធ្វើបុណ្យដែរ ។ មហាជនបានចោទជាសំណួរហូសចិត្តថា ពេលគ្នានៅរស់ ហេតុអ្វីមិនដណ្តើមគ្នាមើលថែ ពេលគ្នាស្លាប់ទៅហើយ បែរជាដណ្តើមគ្នាយកធាតុ អះអាងថាយកទៅធ្វើបុណ្យ តែទំនងព្រោះតែផលប្រយោជន៍ច្រើនជាង ព្រោះឃើះហុងមានគេអាណិតច្រើន ។ តែទោះបីជាយ៉ាងណា ខាងវត្ត បានប្រគល់ធាតុហុង ទៅឲ្យខាងឪពុកបង្កើត ព្រោះគាត់មានឯកសារត្រឹមត្រូវ ។

ប្អូនហុង មានឈ្មោះពិតគឺ ម៉ិ ញ ម៉េង ហុង ភេទ ប្រុស កើត នៅ ថ្ងៃទី ២១ ខែឧសភា ឆ្នាំ ២០១១ នៅ ភូមិ ទី ២ សង្កាត់ លេខ ៣ ក្រុង ព្រះ ស៊ី ហ នុ ខេត្ត ព្រះ ស៊ី ហ នុ មាន ឪពុក ឈ្មោះ មិញ សារឿន ភេទ ប្រុស អាយុ ៣០ ឆ្នាំ ជា កម្មករសំណង់ ស្នាក់នៅ ភូមិ ២ សង្កាត់ លេខ ១ ក្រុងព្រះសីហនុ ខេត្ត ព្រះសីហនុ ដោយឡែក ម្តាយ ហុង វិញមិនស្គាល់នោះទេ ព្រោះបានបែកបាក់គ្នា ទៅយកគ្រួសារថ្មី។

សូមបញ្ជាក់ថា លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានប្រាប់មកកាន់លោក សុវណ្ណ រិទ្ធី តាមរយៈកិច្ចសម្ភាសន៍ឲ្យដឹងថា សាកសពក្មេងប្រុស ឈ្មោះហៅក្រៅអាហុងនេះ បានជួបគ្រោះថ្នាក់ចរាចរណ៍ស្លាប់ នៅវេលាម៉ោង ៥ល្ងាច ថ្ងៃទី១១ ខែមិថុនា ឆ្នាំ២០២១ នៅចំណុចផ្លូវ២៨គ្រួសារ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ ។

លោកសាន សុខសីហា បញ្ជាក់ទៀតដែរថា បើតាមរបាយការណ៍ដែលលោកទទួលបាន និងចម្លើយសារភាពរបស់អ្នកបើកបររថយន្តបានឆ្លើយប្រាប់សមត្ថកិច្ចថា គាត់មិនបានដឹងថា មានក្មេងមកតោងរថយន្តគាត់នោះទេ ខណៈគាត់កំពុងបើករថយន្តសុខៗ ក៏មានអ្នករត់ Passapp ស្រែកប្រាប់គាត់ថា មានក្មេងតោងរថយន្តរបស់គាត់ គាត់ក៏អែបរថយន្តកូរ៉េ សណ្តោងម៉ាស៊ីនភ្លើងនោះចូលកៀនចិញ្ចឹមផ្លូវ ខណៈនោះដោយសារតែក្មេងខាងលើ មិនដឹងតោងពីកន្លែងណាមក សង្ស័យអស់ដៃ ក៏របូតធ្លាក់ចុះមក ហើយក៏ត្រូវកន្ទុយសណ្តោងម៉ាស៊ីនភ្លើងនោះ កិនចំខ្លួនតែម្តង ៕