ខេត្ត បាត់ដំបង ៖ ដោយ អនុវត្ត តាម មតិ ដឹកនាំ របស់ លោក ឧត្តមសេនីយ៍ទោ សាត គឹ ម សាន ស្នងការ នៃ ស្នងការដ្ឋាន នគរបាល ខេត្តបាត់ដំបង រួម ទាំង យោបល់ លោក វ សេនីយ៍ ឯក លឹ ម ពុ ទ្ធី ឡា ស្នងការ រង ផែន ការងារ នគរបាល ព្រហ្ម ទ័ ណ្ឌ លោក វរសេនីយ៍ឯក ពេជ្រ សា រ៉ែ ន អធិការ នគរបាល ក្រុង បាត់ដំបង បាន ដឹកនាំ ធ្វើការ ឃាត់ខ្លួន មុខសញ្ញា ជា ជនសង្ស័យ ម្នាក់ ក្នុង ករណី ចោរកម្ម ( លួច ទរ ស័ព្ទ ដៃ ) មក កាន់ អធិការដ្ឋាន នគរបាល ក្រុង ដើម្បី ធ្វើការ សាកសួរ ស្រាវជ្រាវ ។

ប្រតិបត្តិការ ខាងលើ នេះ កាលពី ថ្ងៃ ទី ១៥ ខែមិថុនា ឆ្នាំ ២០២១ វេលា ម៉ោង ១៥ និង ០០ នាទី នៅ ចំណុច ក្រុម ទី ១៥ ភូមិ កម្មករ សង្កាត់ ស្វាយប៉ោ ក្រុង បាត់ដំបង ខេត្តបាត់ដំបង ។

ប្រភពពីសមត្ថកិច្ចថា ជនសង្ស័យ ឈ្មោះ រ៉ែ ន សីហា ( ហៅ សីហា ) ភេទ ប្រុស អាយុ ២៧ ឆ្នាំ មាន ទីលំនៅ ស្ថិត នៅផ្ទះ ជួល ភូមិ អូរ តា គាំ ១ សង្កាត់ ទួល តា ឯក ក្រុង បាត់ដំបង ខេត្តបាត់ដំបង និង ដកហូត បាន ទូរស័ព្ទ ដៃ ម៉ាក iPhone 6 ពណ៌ស ចំនួន ០១ គ្រឿង ទូរស័ព្ទដៃម៉ាក iPhone 8plus ពណ៌ផ្កាឈូក ០១ គ្រឿងនិងទូរស័ព្ទដៃម៉ាក sumsung galaxy note 4 ពណ៌ ខ្មៅ ចំនួន ០១ គ្រឿង ។

ជនសង្ស័យខាងលើសមត្ថកិច្ចបានរៀបចំសំណុំរឿងបញ្ជូនមកការិយាល័យជំនាញដើម្បីចាត់ការបន្តតាមផ្លូវច្បាប់ រីឯ ទូរស័ព្ទដៃបានប្រគល់ជូនជនរងគ្រោះវិញ ៕