ខេត្តកំពង់ឆ្នាំង៖ ឪពុកម្តាយយំបោកខ្លួនដូចអក បាត់បង់កូនស្រី ម្តង២នាក់ ខណៈក្មេងស្រី២នាក់បងប្អូនបង្កើត បាននាំគ្នាចុះងូតទឹកលេងនៅរណ្តៅដីមួយកន្លែង ហើយក៏លង់ស្លាប់ទាំង២នាក់ យ៉ាងអាណោចអាធ័ម កាលពីវេលាម៉ោង៥ និង៥៣នាទី ល្ងាច ថ្ងៃទី១៦ ខែមិថុនា ឆ្នាំ២០២១ នៅចំណុចរណ្តៅដីមួយកន្លែង ក្នុងភូមិសុខសែនជ័យ ឃុំពាម ស្រុកសាមគ្គិមានជ័យ ខេត្តកំពង់ឆ្នំាង។

សមត្ថកិច្ចបានបញ្ជាក់ឲ្យដឹងថា ក្មេងទាំង២នាក់រួមមាន ៖

១/ ឈ្មោះ ផល់ ស្រីដា ភេទស្រី អាយុ០៩ ឆ្នាំ។

២/ ឈ្មោះ ផល់ ស្រីនាថ ភេទស្រី អាយុ០៤ ឆ្នាំ ក្មេងស្រីទាំងពីរនាក់រស់នៅ ភូមិ ឃុំ កើតហេតុខាងលើ ។

ចំណែក មូលហេតុគឺ បណ្តាលមកពីក្មេងទាំង០២នាក់បានទៅមើលគោជាមួយលោកយាយ ឈ្មោះ ភាព អាយុ៥៧ឆ្នាំ នៅចំណុចកើតហេតុខាងលើ ហើយបានចុះទៅងូតទឹកលេងហើយក៏លង់ស្លាប់តែម្តង ៕