ខេត្តកំពត ៖ ឃ្លាំងអំបិលមួយកន្លែង ត្រូវបានអគ្គិភ័យឆាបឆេះ អស់ជញ្ជាំង រងការខូចខាត កាលពីវេលាម៉ោង ១២និង២០នាទី រសៀល ថ្ងៃទី១៧ ខែមិថុនា ឆ្នាំ២០២១ នៅចំណុចភូមិកោះឈ្វាំង ឃុំស្វាយទងខាងត្បូង ស្រុកកំពង់ត្រាច ខេត្តកំពត។

សមត្ថកិច្ចបានបញ្ជាក់ថា អគ្គិភ័យនេះ បានឆាបឆេះឃ្លាំងអំបិលខាងលើ អស់ប្រវែងជាង១០ ម៉ែត្រ ពីចំហៀងខាងលិច ឆេះជញ្ជាំងបាំងស្លឹកចាក ប្រកស៊ីប្រូធ្វើអំពីឈើ របស់ឈ្មោះ លឹម គៀត ភេទ ប្រុស អាយុ ៧៧ ឆ្នាំ មានទីលំនៅភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត តែគ្មាននរណាម្នាក់ រងរបួសនោះទេ៕ ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ