រាជធានីភ្នំពេញ ៖ ជនសង្ស័យ២នាក់ បានធ្វើសកម្មភាពកាច់កម៉ូតូ របស់ប្រជាពលរដ្ឋមិនបានសម្រេច ត្រូវបានម្ចាស់គេទាន់ ឃាត់បានម្នាក់ ប្រគល់ឲ្យសមត្ថកិច្ចយកមកប៉ុស្តិ៍ដើម្បីសាកសួរ កាលពីវេលាម៉ោង៩ ថ្ងៃទី១៧ ខែមិថុនា ឆ្នាំ២០២១ នៅចំណុចផ្លូវ២០១១ ក្នុងសង្កាត់គោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ។

តាមព័ត៌មានបឋមពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ ជនរងគ្រោះបានទុកម៉ូតូ Beat ដែលពាក់ស្លាកលេខ ភ្នំពេញ 1IM-8855 ទុកចោលនៅតាមបណ្ដោយផ្លូវ២០១១ ភ្លាមនោះក៏លេចមុខជនសង្ស័យ២នាក់ បានចុះធ្វើសកម្មភាពបម្រុងនិងកាច់កម៉ូតូរបស់ជនរងគ្រោះ តែត្រូវបានបងប្អូនប្រជាពលរដ្ឋនិងម្ចាស់ម៉ូតូឃើញទាន់ ក៏ស្វាគមន៍ម្នាក់មួយដៃមួយជើង បណ្ដាលឲ្យសន្លប់ស្តូកស្តឹងនៅនឹងកន្លែងកើតហេតុ ភ្លាមនោះបងប្អូនប្រជាពលរដ្ឋក៏បានទំនាក់ទំនងហើយសមត្ថកិច្ចប៉ុស្តិ៍នគរបាលរដ្ឋបាលគោកឃ្លាង មកយកជនសង្ស័យម្នាក់យកទៅកាន់ប៉ុស្តិ៍រដ្ឋបាលគោកឃ្លាង ដើម្បីបញ្ចូនខ្លួនទៅកាន់ អធិការដ្ឋាននគរបាលខណ្ឌសែនសុខ ឃាត់ខ្លួនបណ្តោះអាសន្ន និងបញ្ជូនខ្លួនទៅកាន់តុលាការ ចាត់ការតាមច្បាប់បន្តទៀត៕