ភ្នំពេញ ៖ រថយន្តម៉ាកហ្វ័តមួយគ្រឿងត្រូវបានរងការខូចខាតនៅផ្នែកខាងមុខយ៉ាងដំណំ ខណៈជួបគ្រោះថ្នាក់ចរាចររវាងរថយន្តនិងម៉ូតូរ៉ឺម៉កដឹកទំនិញយ៉ាងពេញទំហឹង ត្រង់ចំណុចផ្លូវបែកជាបួន នៅវេលាម៉ោង១១ និង៤០នាទី ថ្ងៃ ទី២០ ខែមិថុនា ឆ្នាំ ២០២១ ស្ថិតនៅតាមបណ្ដោយផ្លូវR6 ក្នុងសង្កាត់ស្រះចក ខណ្ឌដូនពេញ ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុរថយន្តម៉ាកហ្វ័ត មួយគ្រឿង ពាក់ស្លាកលេខភ្នំពេញ 2AR-6356 បើកបរដោយនារីម្នាក់តាមផ្លូវលេខR6 ក្នុងទិសដៅពីកេីតទៅលិច ហេីយខណៈនោះដែរមានម៉ូតូរ៉ឺម៉កបែបដឹកទំនិញមួយគ្រឿងមិនមានស្លាកលេខ បើកបរដោយបុរសម្នាក់និងរួមដំណេីរដោយបុរសម្នាក់ទៀត ធ្វើដំណើរក្នុងទិសដៅពីជើងទៅត្បូងតាមបណ្ដោយផ្លូវលេខR6 ដូច លុះមកដល់ចំណុចកើតហេតុដែលជាចំណុចផ្លូវបែកជាបួន រថយន្តហើយនិងម៉ូតូរ៉ឺម៉កមិនបង្អង់ល្បឿនហេីយជាន់ហ្វ្រាំងមិនទាន់ ក៏ជ្រុលចូលមកបុកគ្នាយ៉ាងពេញទំហឹង បណ្ដាលឲ្យរថយន្តរងការខូចខាតផ្នែកខាងមុខយ៉ាងដំណំ ហេីយសំណាងល្អក្នុងហេតុការណ៍នោះមិនមាននរណាម្នាក់រងរបួសនោះទេ។

ក្រោយពេលកើតហេតុភាគីខាងរថយន្តនិងភាគីខាងម៉ូតូរ៉ឺម៉កដឹកទំនិញបានធ្វើការសម្របសម្រួលគ្នានៅនឹងកន្លែងកើតហេតុដេីម្បីបញ្ចប់រឿង ៕