បន្ទាយមានជ័យ៖​ ជិះម៉ូតូដួលខ្លួនឯងបណ្តាលស្លាប់ម្នាក់នៅកន្លែងនៅវេលាម៉ោង៧.៣០នាទីយប់ថ្ងៃទី២១ ខែមិថុនា ឆ្នាំ២០២១នៅភូមិយាយអត ឃុំគុត្តសត ស្រុកអូរជ្រៅ។

មន្ត្រីនគរបាលចរាចរណ៍ស្រុកអូរជ្រៅបានប្រាប់ថា៖ ជនរងគ្រោះស្លាប់មានឈ្មោះ អ៊ុក ពៅ ភេទប្រុសអាយុ៣២ឆ្នាំរស់នៅភូមិសូរិយ៉ា ឃុំកូប ស្រុកអូរជ្រៅ។

មន្ត្រីនគរបាលបានបញ្ជាក់ថា៖នៅពេលគ្រោះថ្នាក់ចរាចរណ៍កើតឡើង ជនរងគ្រោះឈ្មោះ អ៊ុក ពៅ បានជិះម៉ូតូហុងដាឌ្រីមសេរីឆ្នាំ២០១៣ពាក់ផ្លាក់លេខបន្ទាយមានជ័យ 1I .6413 បានបើកបរក្នុងទឹសដៅត្បូងទៅជើងក្នុងល្បឿនលឿនបណ្តាលដួលបោកក្បាលបណ្តាលស្លាប់ភ្លាមៗនិងហ្នឹងកន្លែង។

មន្ត្រីនគរបាលបានបញ្ជាក់ថា៖ក្រោយពេលគ្រោះថ្នាក់ចរាចរណ៍កើតឡើងបានចុះទៅពិនិត្យឃើញឃើញថាជនរងគ្រោះមូលហេតុកើតឡើងគឺជិះម៉ូតូម្នាក់ឯងលឿនបណ្តាលដួលស្លាប់ក្រោយពេលវាស់វែងហើយប្រគល់សាកសពជូនសាច់ញាតិទទួលយកទៅធ្វើបុណ្យតាមប្រពៃណីយ៍៕ដោយ៖ចិន្ត្រា