បន្ទាយមានជ័យ៖ ប្រទះឃើញស្ត្រីម្នាក់អាយុប្រហែលជាង២០ឆ្នាំបានស្លាប់មានស្នាក់ស្នាមរថយន្តកិនក្បាលក្រោមដើមចាន់គីរីនៅវេលាម៉ោង១២ថ្ងៃទី២១ ខែមិថុនា ឆ្នាំ២០២១ស្ថិតភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ
លោកវរៈសេនីយ៍ឯក មាស រិទ្ធី អធិការនគរបាលស្រុកព្រៈនេត្រព្រះបានប្រាប់ថា៖ សាកសពស្ត្រីដែលប្រទះឃើញមានអាយុប្រហែលជាង២០ឆ្នាំដែលមានកម្ពស់១,៥០ម៉ែត្រពាក់អាវពីជាន់ អាវក្នុងអាវយឺតដៃខ្លីពណ៌ផ្កាឈូក អាវក្រៅអាវដៃវែងពណ៌ខ្មៅ ពាក់ខោជើងវែងមានផ្កាពណ៌ក្រហមសលឿង និងស្លៀកសារ៉ុងពីលើក្រណាត់ពណ៌លឿងមានផ្កាពណ៌ឈូកក្រហមស្ថានភាពសាកសពក្បាតសំពាតមានចេញឈាមតាមមាត់។
លោកបានបញ្ជាក់ថា៖តាមសំដីឈ្មោះ ឆោមសុគាន់ ភេទប្រុសអាយុ៣៥ឆ្នាំរស់នៅភូមិខាងលើ(អ្នកខ្វាលគោ)បានប្រាប់ថានៅពេលដែលប្រទះឃើញសាកសពស្ត្រីនេះទៅខ្វាលគោនៅខាងលិចទួលដូនអូកនៅចម្ងាយពីផ្លូវជាតិលេខ៦ប្រមាណជា២៥ម៉ែត្រពីភូមិប្រមាណ១៥០ម៉ែត្រ បានប្រទះឃើញសាកសពស្ត្រីស្លាប់នៅក្រោមដើមចាន់គីរី មានដើមកន្ទ្រង់ជុំវិញហើយបានរាយការណ៍ជូនសមត្តកិច្ចចុះមកពិនិត្យមើលស្ត្រីត្រូវបានរថយន្តកិនក្បាលសំពាតចេញឈាមតាមមាត់ការសន្និដ្ឋានស្ត្រីដែលស្លាប់អាចមនុស្សវិកលចរិកដេកអត់បាយស្លាប់ក្រោមដើមឈើហើយរថយន្តទៅចតបត់ជើងតូចអាចកិនក្បាលសាកសពនៅពេលស្លាប់ហើយបើកគេចបាត់។
លោកវរៈសេនីយ៍ឯក មាស រិទ្ធី បានបញ្ជាក់ថា៖តាមសំដីភូមិក្បែរបានអោយដឹងគឺមុនប្រទះឃើញសាកសពស្ត្រីនេះឃើញដើមតាមផ្លូវដែលជាមនុស្សស្ត្រីវិកលចរិកដើមតាមផ្លូវរាស់ថ្ងៃ ក្រោយពេលពិនិត្យសាកសពហើយរកសាច់ញាតិមិនឃើញប្រគល់ជូនមេភូមិយកទៅបូជា ហើយកម្លាំងជំនាញកមពុងស្រាវជ្រាវរករថយន្តដែលកិនសាកសពដើម្បីអនុវត្តតាមច្បាប់៕ដោយ៖ចិន្ត្រា
