ខេត្តព្រះសីហនុ៖ ជនសង្ស័យចំនួន ៣នាក់ រួមជាមួយនឹងគ្រឿងញៀន ១២កញ្ចប់ ត្រូវបានកម្លាំងការិយាល័យនគរបាលប្រឆាំងគ្រឿងញៀន បង្ក្រាបនិងចាប់ឃាត់ខ្លួនបាន ពាក់ព័ន្ធករណីចែកចាយគ្រឿងញៀនខុសច្បាប់ កាលពីយប់ ១៩ ខែមីនា ឆ្នាំ២០២១ នៅក្រុម០៥ ភូមិ០៥ សង្កាត់០៤ ក្រុងព្រះសីហនុ ខេត្តព្រះសីហនុ ។

ក្នុងរង្វង់ប្រតិបត្តិការរបស់កម្លាំងសមត្ថកិច្ចខាងលើនេះ មានការដឹកនាំពីលោកស្នងការរង តាក សារិទ្ធ ដោយធ្វើការឃាត់ខ្លួនជនសង្ស័យបានចំនួន៣នាក់ រួមមាន ៖

១, ឈ្មោះ គួយ គ្រឿន ភេទប្រុស អាយុ ២៧ឆ្នាំ មុខរបរ មិនពិតប្រាកដ។

២, ឈ្មោះ ហេង ស្រីណេង ភេទស្រី អាយុ ២៨ឆ្នាំ មុខរបរ ធ្វើការនៅក្លឹបកម្សាន្ត។

៣, ឈ្មោះ សុខ ស្រីពៅ ភេទ ស្រី អាយុ ២០ឆ្នាំ មុខរបរ នារីម៉ាស្សា។

ក្នុងនោះ វត្ថុតាងដកហូតពីជនសង្ស័យបានរួមមាន៖ ម្សៅក្រាមសថ្លា សង្ស័យជាសារញៀនចំនួន១២កញ្ចប់ , ទូរស័ព្ទដៃ ០១រឿង ។

ពេលនេះ ជនសង្ស័យខាងលើ រួមទាំងវត្ថុតាង ត្រូវបានសមត្ថកិច្ចជំនាញ កំពុងចាត់ការបន្តតាមនិតិវិធីបញ្ជូនទៅផ្តន្ទាទោសតាមច្បាប់៕