រាជធានីភ្នំពេញ ៖ មនុស្សចំនួន ២នាក់ បានរងរបួស ក្នុងករណីផ្ទុះធុងហ្គាស នៅក្នុងភោជនីយដ្ឋានចិនយីហោ នឹក ភូមិ បង្កការភ្ញាក់ផ្អើលដល់សមត្ថកិច្ចចុះអន្តរាគមន៍បាញ់ពន្លត់ កាលពីវេលាម៉ោង ជិត១២ថ្ងៃត្រង់ ទី១ ខែធ្នូ ឆ្នាំ២០២១ នៅចំណុចផ្ទះលេខ១២៨C ផ្លូវសុធារស ភូមិ២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ក្នុងករណីនេះ មិនមានការឆាបឆេះអ្វីខ្លាំងនោះឡើយ គឺបានឆាប់រលត់ទៅវិញត្រឹមប៉ុន្មាននាទីប៉ុណ្ណោះ បន្ទាប់ពីមានរថយន្តពន្លត់អគ្គិភ័យចំនួន ២គ្រឿងចុះបាញ់ពន្លត់ ទើបរលត់ទៅវិញ មិនបណ្តាលឲ្យរាលដាលដល់ផ្ទះអ្នកជិតខាងឡើយ គ្រាន់តែក្នុងនោះ មានអ្នករបួស២នាក់ និងខូចខាតសម្ភារៈមួយចំនួន ៕ មេសា