រាជធានីភ្នំពេញ ៖ ភ្លើងប្រច័ណ្ឌបានកើតឡើង រហូតធ្វើឲ្យស្ត្រីម្នាក់ ទប់កំហឹងមិនបាន បានយកកន្ត្រៃ ទៅចាក់លើមុខស្ត្រីម្នាក់ទៀត បណ្តាលឲ្យរងរបួស ផ្អើលអស់បងប្អូនប្រជាពលរដ្ឋ និងសមត្ថកិច្ចចុះមកអន្តរាគមន៍ កាលពីវេលាម៉ោង១០យប់ ថ្ងៃទី២ ខែធ្នូ ឆ្នាំ២០២១ នៅក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីស្ត្រីម្នាក់ ដែលអះអាងថាខ្លួនជាជនរងគ្រោះ ត្រូវបានគេចាក់លើមុខបណ្តាលឲ្យរបួសនោះ បានអោយដឹងថា ពួកគាត់បានហូបអីជុំគ្នានៅក្នុងហាងមួយកន្លែង នៅម្ដុំឈូកវ៉ា២ ។ លុះដល់ពេលកើតហេតុ មិនដឹងយ៉ាងម៉េច ស្រាប់តែស្ត្រីខាងលើ បានកើតមានចិត្តប្រច័ណ្ឌទៅលើសង្សាររបស់ខ្លួន ក៏បានយកកន្ត្រៃយកចាក់ទៅលើផ្ទៃមុខរបស់គាត់ បណ្ដាលឲ្យរងរបួស តែម្តង ត្រូវបានបញ្ជូនទៅមន្ទីរពេទ្យភ្លាមៗ ដើម្បីមើលរបួស និងទៅដាក់ពាក្យបណ្ដឹង ប្តឹងស្ត្រីដែលជនដៃដល់ខាងលើ។

ស្ត្រីដែលត្រូវគេចាក់លើមុខ បានបន្តឲ្យដឹងទៀតថា ស្ត្រីជាជនដៃដល់នោះ ខ្លាចខាងប្រុសមកទាក់ទងនឹងគាត់ ទើបខឹងនឹងប្រច័ណ្ឌក៏មកចាក់មុខគាត់តែម្តងហើយគាត់ក៏បានដាក់ពាក្យបណ្ដឹងនៅប៉ុស្តិ៍នគរបាលកាកាបទី ២ផងដែរ ដើម្បីឲ្យសមត្ថកិច្ចជួយឃាត់ស្ត្រីរូបនោះ មកចាត់ការតាមច្បាប់ ៕ Mrr Tra