ថ្ងៃទី១៥ ខែកញ្ញា ឆ្នាំ២០២២ សហភាពសហព័ន្ធយុវជនកម្ពុជា គាំទ្រដោយក្រសួងវប្បធម៌ និងវិចិត្រសិល្បៈ បានរៀបចំកម្មវិធី “ភ្ជុំបិណ្ឌ តោះទៅវេចនំអន្សមរួមគ្នា” ដើម្បីជាការអបអរពិធី បុណ្យភ្ជុំបិណ្ឌនាពេលខាងមុខនេះ។

ដោយបានចូលរួមក្រោមអធិបតីភាព ឯកឧត្ដម ហ៊ុន ម៉ានី ប្រធាន ស.ស.យ.ក ឯកឧត្តម លោកជំទាវ លោក លោកស្រី អនុប្រធាន ស.ស.យ.ក សមាជិកគណៈអចិន្ត្រៃនៃគណៈកម្មាធិការកណ្ដាល ស.ស.យ.ក ។

បងប្អូនប្រជាពលរដ្ឋខ្មែរអាចចូលរួមដោយសេរី ក្នុងកម្មវិធី «ភ្ជុំបិណ្ឌ៖ តោះ ទៅវេចនំអន្សមរួមគ្នា» នៅទីស្នាក់ការ ស.ស.យ.ក. រាជធានីភ្នំពេញ អគារខេមរានីដែលនឹង ប្រព្រឹត្ត ទៅនៅថ្ងៃទី ១៥ ១៧ និង ១៨ ខែ កញ្ញា ឆ្នាំ ២០២២។

ការរៀបចំកម្មវិធី «ភ្ជុំបិណ្ឌ៖ តោះ ទៅវេចនំអន្សមរួមគ្នា» នឹង ជួយឲ្យយុវវ័យមិនភ្លេច និង បន្តចូលរួមការពារប្រពៃណី ទំនៀមទម្លាប់ខ្មែរ ដែលមានប្រវត្តិដ៏យូរលង់ណាស់មកហើយនោះ។