រាជធានីភ្នំពេញ ៖ កម្លាំងជំនាញព្រហ្មទណ្ឌ នៃអធិការដ្ឋាននគរបាលខណ្ឌបឹងកេងកង សហការជាមួយប៉ុស្ដិ៍នគរបាលរដ្ឋបាលបឹងកេងកងទី២ ធ្វេីការឃាត់ខ្លួនជនសង្ស័យម្នាក់ ពាក់ព័ន្ធករណីលួចយកម៉ូតូ និងទូរស័ព្ទដៃ នៅចំណុចស្ដុបអូតែល.ស ផ្លូវព្រះមុន្នីវង្ស សង្កាត់អូឬស្សី៣ ខណ្ឌ៧មករា រាជធានីភ្នំពេញ នៅថ្ងៃទី១៨ ខែតុលា ឆ្នាំ២០២៣ វេលាម៉ោង១៤និង៣០នាទី ។ នេះបើយោងតាមផេក ស្នងការដ្ឋាននគរបាលរាជធានីភ្នំពេញ ។
ជនសង្ស័យដែលឃាត់ខ្លួនបានមានឈ្មោះ ឆន វ៉ា ភេទប្រុស ជនជាតិខ្មែរ មានទីលំនៅមិនពិប្រាកដ មុខរបរ មិនពិតប្រាកដ (មានសារធាតុញៀន)។
ក្នុងវត្ថុតាងចាប់យករួមមាន៖ ម៉ូតូម៉ាកScoopy ១១០ ស៊េរីឆ្នាំ២០១៣ ពណ៌ស ពាក់ផ្លាកលេខ ភ្នំពេញ 1BS-8663 ទូរស័ព្ទ Iphone 13pro max ពណ៌ប្រផេះ ជារបស់ជនរងគ្រោះ, កូនសោរម៉តូ ចំនួន០៣, កូនកន្ដ្រៃដងជ័រ ពណ៌លឿង ចំនួន០១, កាំបិតម៉ាកKiWi ដងជ័រ ពណ៌ខ្មៅ, ទួណឺវីសភ្លើង ចំនួន០១, ផ្លែទួណឺវីសមុខពី ចំនួន០១, ដង្កៀបកែច្នៃចុងស្រួច ចំនួន០១, កាបូបស្ពាយចំហៀងម៉ាកក្រពើ ពណ៌ខ្មៅ ចំនួន០១។
បន្ទាប់មកសមត្ថកិច្ចបានប្រគលម៉ូតូ និងទូរស័ព្ទខាងលើឲ្យជនរងគ្រោះវិញតាមពាក្យស្នើសុំ ដោយបានការឯកភាពពី ព្រះរាជអាជ្ញារង សាលាដំបូងរាជធានីភ្នំពេញ។
បច្ចុប្បន្នជនសង្ស័យ រួមនិងវត្ថុតាង កំពុងឃាត់ខ្លួននៅអធិការដ្ឋាននគរបាលខណ្ឌបឹងកេងកងបណ្ដោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវីធីច្បាប់៕
