រាជធានីភ្នំពេញ ៖ នារីរូបស្រស់សោភាម្នាក់ បានបើករថយន្ត Highlander មួយគ្រឿងមិនប្រយ័ត្ន ក៏បានបុកគូទរថយន្តកុងតឺន័រ ពីក្រោយ បណ្ដោយឲ្យរងការខូចខាតយ៉ាងដំណំ។

ហេតុការណ៍នេះ បានកើតឡើងនៅក្នុងសង្កាត់គោកឃ្លៀង ខណ្ឌសែនសុខ រាជធានីភ្នំពេញ​វេលាម៉ោង១១យប់ ថ្ងៃទី១៩ ខែតុលា ឆ្នាំ២០២៣ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញនារីម្នាក់បើករថយន្ត Highlander មួយគ្រឿង ដែលពាក់ស្លាកលេខ ភ្នំពេញ 2AC 3628 ធ្វើដំណើរតាមបណ្ដោយផ្លូវសម្ដេចជាស៊ីម ក្នុងទិសដៅពីកើតមកលិច លុះដល់ចំណុចកើតហេតុ ក៏បានរេចង្កូតទៅបុកកន្ទុយរថយន្ដកុងតឺន័រពីក្រោយពេញមួយទំហឹង ផ្លូវបណ្ដាលឲ្យរងការខូចខាតយ៉ាងដំណំ ។

ក្រោយកើតហេតុ សមត្ថកិច្ចបានធ្វើការវាស់វែង យករថយន្តទាំង២គ្រឿងទៅរក្សាទុក រង់ចាំដោះស្រាយគ្នាតាមច្បាប់បន្តទៀត ៕ Mrr Ka