រាជធានីភ្នំពេញ ៖ នារីម្នាក់បើករថយន្ដព្រូស ពណ៌ក្រហម ពាក់ស្លាកលេខ ភ្នំពេញ 2BG-4062 តាមបណ្ដោយផ្លូវ២១៥ ទិសដៅពីត្បូងទៅជើង មកដល់ត្រង់ផ្លូវបំបែកកែងផ្លូវកម្ពុជាក្រោម ក៏បានបត់ឆ្វេង បានជ្រុលបុកជាមួយរបាំងថ្មចែកទ្រូងផ្លូវ បណ្ដាលឲ្យរងការខូចខាត កាលពីវេលាម៉ោង ១០យប់ ថ្ងៃទី២០ ខែតុលា ឆ្នាំ២០២៣ នៅចំណុចផ្លូវកម្ពុជាក្រោម កែងផ្លូវ២១៥ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញនារីម្នាក់ បើករថយន្ដព្រូស ពណ៌ក្រហម ពាក់ស្លាកលេខ ភ្នំពេញ 2BG-4062 តាមបណ្ដោយផ្លូវ២១៥ ទិសដៅពីត្បូងទៅជើង មកដល់ត្រង់ផ្លូវបំបែកកែងនឹងផ្លូវកម្ពុជាក្រោម ក៏បានបត់ឆ្វេងបានបើកទៅបុករបាំងថ្ម ចែកទ្រូងផ្លូវបណ្ដាលឲ្យរងការខូចខាតតែម្តង។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្ដទៅរក្សាទុករង់ចាំការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
