ខេត្តកណ្តាល ៖ ជនសង្ស័យម្នាក់ ក្នុងចំណោមបក្ខពួក២នាក់ ត្រូវបានសមត្ថកិច្ចស្រុកកៀនស្វាយ ឃាត់ខ្លួនបាន ករណី ជួញដូរដោយខុសច្បាប់នូវសារធាតុញៀន (ម៉ាទឹកកក) កាលពីថ្ងៃទី ២១ ខែតុលា ឆ្នាំ២០២៣ វេលាម៉ោង ១១និង៣០នាទី

ក្នុងចំការស្វាយកំពង់ដរកោះ ស្ថិតនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបានមាន ឈ្មោះសេង សីហា ភេទប្រុស អាយុ ២៩ ឆ្នាំ មុខរបរ មិនពិត

មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល មានសារធាតុញៀននៅក្នុងទឹកនោម (ឃាត់ខ្លួន) ។ ចំណែកម្នាក់ទៀតឈ្មោះរឿន ចាន់ថា(ហៅប៉ាឡាន់) ភេទប្រុស អាយុ ២៣ឆ្នាំ ជនជាតិខ្មែរ មុខរបរ មិនពិត មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល (គេចខ្លួន)។

ក្នុងនោះ វត្ថុតាងចាប់យករួមមាន៖ ម្សៅក្រាម ពណ៌សថ្លា សង្ស័យសារធាតុញៀន(ម៉ាទឹកកក)ចំនួន១០កញ្ចប់ តូច, សម្ភារៈប្រើប្រាស់វិចខ្ចប់ថ្នាំញៀនមួយចំនួន។

មុននឹងឈានដល់ការឃាត់ខ្លួនបានជនសង្ស័យខាងលើ មានពីប្រជាពលរដ្ឋថា មានសកម្មភាពជួញដូរគ្រឿងញៀន នៅចំណុចចំការស្វាយកំពង់ដរកោះប្រាក់ ស្ថិតនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល។ ក្រោយពីទទួលពត៌មានបានភ្លាម

កម្លាំងប៉ុស្តិ៍នរគបាលរដ្ឋបាលភូមិធំ បានសហការជាមួយកម្លាំងជំនាញប្រឆាំងបទល្មើសគ្រឿងញៀនស្រុកកៀនស្វាយបានចុះដល់ចំណុចកើតហេតុឃាត់ខ្លួនជនសង្ស័យម្នាក់ ឈ្មោះ សេង សីហា ភេទប្រុស អាយុ២៩ ឆ្នាំ និងដកហូតបានវត្ថុតាងខាងលើ យកមកសួរនាំនៅប៉ុស្តិ៍នគរបាលរដ្ឋបាលភូមិធំ។

ចំពោះមុខសមត្ថកិច្ចជនសង្ស័យឈ្មោះ សេង សីហា ភេទប្រុស បានសារភាពថា ថ្នាំញៀនចំនួន១០កញ្ចប់តូចដែលសមត្ថកិច្ចដកហូតបាន ពិតជារបស់ខ្លួនប្រាកដមែន ហើយថ្នាំញៀននោះខ្លួនបានទិញពីឈ្មោះ រឿន ចាន់ថា(ប៉ាឡាន់) ភេទប្រុស តំលៃ១៥០០០០រៀល (ដប់ប្រាំមុឺនរៀល) យកមកវេចខ្ចប់ជាកញ្ចប់តូចៗទុកលក់បន្ត ។ ក្រោយបានចម្លើយសារភាពរបស់ឈ្មោះ សេង សីហា ភេទប្រុស សមត្ថកិច្ចបានចុះទៅដល់ផ្ទះរបស់ឈ្មោះ រឿន ចាន់ថា(ប៉ាឡាន់) ដើម្បីឃាត់ខ្លួនបន្តទៀត ប៉ុន្តែឈ្មោះរឿន ចាន់ថា(ប៉ាឡាន់) បានគេចខ្លួនបាត់មុនពេលសមត្ថកិច្ចទៅដល់ផ្ទះ។

ក្រោយសួរនាំរួចជនសង្ស័យរួមទាំងវត្ថុតាងបានបញ្ជូនទៅអធិការដ្ឋាននគរបាលស្រុកកៀនស្វាយដើម្បីបន្តនិតិវិធី៕ អែល វិចិត្រ