រាជធានីភ្នំពេញ ៖ បុរសជនជាតិចិនម្នាក់ បើករថយន្ដសេរីទំនើប Mercedes MayBach តាមបណ្ដោយផ្លូវសហព័ន្ធរុស្ស៊ី ជ្រុលទៅបុកជាមួយម៉ូតូHONDA PCX 9 បណ្ដាលឲ្យនារីម្នាក់ធ្លាក់ពីលើម៉ូតូរងរបួស រួចរថយន្ដព្យាយាមបើករត់គេចខ្លួន តែត្រូវបានប្រជាពលរដ្ឋដេញឃាត់បាន។
ហេតុការណ៍នេះស្ថិតតាមបណ្ដោយផ្លូវសហព័ន្ធរុស្ស៊ី សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ វេលាម៉ោង១២ រំលងអាធ្រាត្រឈានចូលថ្ងៃទី២៣ ខែតុលា ឆ្នាំ២០២៣។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសជនជាតិចិនម្នាក់ បើករថយន្ដស៊េរីទំនើប Mercedes MayBach ពណ៌ខ្មៅ ពាក់ស្លាកលេខ ភ្នំពេញ 2BW-8216 បើកតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិច បានជ្រុលទៅបុកជាមួយម៉ូតូHONDA PCX ពាក់ស្លាកលេខ ភ្នំពេញ 1JG-6039 បណ្ដាលឲ្យនារីម្នាក់ធ្លាក់ពីលើម៉ូតូរងរបួស ហើយរថយន្ដព្យាយាមបើករត់គេច តែត្រូវបានប្រជាពលរដ្ឋដេញឃាត់បាន។
ក្រោយពេលកើតហេតុ ភាគីទាំងសងខាង បានសម្របសម្រួលគ្នាដោះស្រាយបញ្ចប់នៅហ្នឹងកន្លែង ៕ Mrr Ka
