រាជធានីភ្នំពេញ ៖ សូមជួយស៊ែរ ស្វែងរកសាច់ញាតិផង បុរសម្នាក់ជិះម៉ូតូចេញពីធ្វើការ ត្រូវបានរថយន្តមិនស្គាល់ម៉ាក២គ្រឿង បុកនិងកិនអូសជាង៣០ម៉ែត្រ ស្លាប់ក្នុងថ្លុកឈាមយ៉ាងរន្ធត់ ។
ហេតុការណ៍នេះបានកើតឡើងកាលពីវេលាម៉ោង ១០និង១០នាទីយប់ថ្ងៃទី២១ ខែតុលា ឆ្នាំ២០២៣ តាមបណ្ដោយផ្លូវមហាវិថីឈ្នះឈ្នះ សង្កាត់គោករកា ខណ្ឌព្រែកព្នៅ រាជធានីភ្នំពេញ ។
តាមប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គេបានឃើញបុរសម្នាក់ ជិះម៉ូតូ Dream សេ១២៥ ពាក់ស្លាកលេខ ភ្នំពេញ 1IN-5549 ជិះតាមបណ្ដោយមហាវិថីឈ្នះឈ្នះ ក្នុងទិសដៅពីកើតទៅលិច មកដល់កន្លែងកើតហេតុ ក៏ត្រូវបានរថយន្តមិនស្គាល់ម៉ាក ២គ្រឿង មួយបុក មួយទៀត កិនអូសជាង៣០ម៉ែត្រ បណ្ដាលឲ្យស្លាប់ភ្លាមៗ រួចរថយន្តទាំងនោះ ក៏ប្រញាប់បើករត់គេចខ្លួនបាត់ពីកន្លែងកើតហេតុ ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌព្រែកព្នៅ ធ្វើការវាស់វែងយកម៉ូតូរក្សាទុក និងប្រគល់សពអោយគ្រួសារយកទៅធ្វើបុណ្យទៅតាមប្រពៃណី ៕ Mrr Ka
