រាជធានីភ្នំពេញ​៖ កម្លាំងនគរបាលនាយកដ្ឋានព្រហ្មទណ្ឌកម្រិតធ្ងន់ នៃក្រសួងមហាផ្ទៃ ចុះធ្វើការឡោមព័ទ្ធអាគារមួយកន្លែង សង្ស័យពាក់ព័ន្ធការលួចថតរឿងអាសអាភាស ក្រោយមានការបែកធ្លាយវីដេអូតាមរយៈ TikTok និងFacebook មួយចំនួន ។

ប្រតិបត្តិការនេះ បានធ្វើឡើងនៅវេលាម៉ោង ៨យប់ ថ្ងៃទី២៤ ខែតុលា ឆ្នាំ២០២៣​ នៅតាមបណ្ដោយផ្លូវ ៣១០ ក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ។

សមត្ថកិច្ចបានឲ្យដឹងថា ប្រតិបត្តិការនេះ កម្លាំង​​នាយកដ្ឋាននគរបាល​ព្រហ្មទណ្ឌ បានចុះឆ្មក់ឆែកឆេរអាគារមួយ​​កន្លែង​និងឃាត់ខ្លួនជនបរទេសបានជាច្រើននាក់ បន្ទាប់ពីមានការបែកធ្លាយវីដេអូរឿង​អាសអាភាស​ នៅលើបណ្ដាញសង្គម​Facebook និងTikTokមួយចំនួន ។

ក្រោយការឃាត់ខ្លួននោះ មនុស្សជាច្រើនសិបនាក់ខាងលើ ត្រូវបានសមត្ថកិច្ចនាយកដ្ឋានព្រហ្មទណ្ឌកម្រិតធ្ងន់ នៃក្រសួងមហាផ្ទៃ បញ្ជូនទៅក្រសួងមហាផ្ទៃ ដើម្បីធ្វើការតាមនីតិវិធី ៕ Mrr Ka