រាជធានីភ្នំពេញ ​៖ បុរសម្នាក់បើករថយន្ត​ Hilux Revo មិនប្រយ័ត្ន ក៏បានបុក​រថយន្តដឹកខ្សាច់ ឆ្លងផ្លូវ​ចេញពីដេប៉ូខ្សាច់មួយកន្លែង បណ្តាលឲ្យរងការខូចខាតយ៉ាងដំណំ កាលពីវេលាម៉ោង ១២យប់ ឈានចូលថ្ងៃ​ទី​២៧ ខែតុលា​ ឆ្នាំ​២០២៣ នៅតាមបណ្ដោយផ្លូវជាតិ​លេខ​៦A​ ក្នុងសង្កាត់ព្រែកលៀប ​ខណ្ឌ​សង្កាត់ជ្រោយចង្វា​រ រាជធានី​ភ្នំពេញ​ ។

តាមប្រភពព័ត៌មានពីបងប្អូនប្រជាពលរដ្ឋ និងសមត្ថកិច្ចបានអោយដឹងថា មុនពេលកើតហេតុគេបានឃើញបុរសម្នាក់ បើករថយន្ត​ Hilux Revo ដែលពាក់ស្លាកលេខ រដ្ឋ​ តាមបណ្ដោយផ្លូវជាតិលេខ៦A ក្នុង​ទិសដៅ​ពី​ត្បូងទៅជើង មកដល់ចំណុចកើតហេតុ ក៏បានបុក​ រថយន្តដឹកខ្សាច់ ពាក់ស្លាកលេខ ព្រះសីហនុ​ 3A-1687 ឆ្លងផ្លូវចេញពីដេប៉ូខ្សាច់ បណ្ដាលរងការខូចខាត​យ៉ាងដំណំ។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញ បានចុះមកធ្វើការយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ​ តាមច្បាប់បន្តទៀត ៕ Mrr Ka