ខេត្តកណ្តាល ៖ ជនសង្ស័យម្នាក់ ធ្វើសកម្មភាព លួចដែកសសៃរបស់គេ ត្រូវបានសមត្ថកិច្ចស្រុកកៀនស្វាយ ធ្វើការឃាត់ខ្លួនបាន កាលពីវេលាម៉ោង ៨និង ៣០នាទី ថ្ងៃទី២៦ ខែមករា ឆ្នាំ២០២៣ នៅភូមិសំរោងក្អែរ៣ ឃុំសំរោងធំ ស្រុកកៀនស្វាយ ខេត្តកណ្តាល ។

សមត្ថកិច្ចបានឲ្យដឹងថា ជនរងគ្រោះមានឈ្មោះ ហ៊ឹម សំអឿន ភេទប្រុស អាយុ៤៩ឆ្នាំ ជនជាតិខ្មែរ មុខរបរកសិករ ទីលំនៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល បច្ចុប្បន្នស្នាក់នៅបណ្តោះអាសន្នភូមិសំរោងក្អែរ៣ ឃុំសំរោងធំ ស្រុកកៀនស្វាយ ខេត្តកណ្តាល ។

ចំណែកជនសង្ស័យមានឈ្មោះ យ៉ុង គុន ភេទប្រុស អាយុ៣៨ឆ្នាំ មុខរបរនេសាទត្រី មានទីលំនៅភូមិសំរោងក្អែរ៣ ឃុំសំរោងធំ ស្រុកកៀនស្វាយ ខេត្តកណ្តាល (ឃាត់ខ្លួន) ។

ក្នុងនោះ សម្ភារៈបាត់បង់រួមមាន ៖ ដែកសសៃថ្នាំងអំពៅទំហំ១៤លី ប្រវែង១២ម៉ែត្រ ចំនួន០២ដើម ៖ ដែកទីបជ្រុង 100x100=10ដើម, 40x80=40ដើម, 30x60=70ដើម, និង30x30=85ដើម , ដែកVធំ ០៤ដើម និង ទូកស្មាច់ ០១ ។

ក្នុងនោះ វត្ថុចាប់ចាប់យករួមមាន ៖ ដែកសសៃថ្នាំងអំពៅទំហំ១៤លី ប្រវែង១២ម៉ែត្រ ចំនួន០២ដើម(របស់ជនរងគ្រោះ) និងទូកស្មាច់ពណ៌ស ខៀវ ទទឹង០,៧០ម៉ែត្រ បណ្តោយ៧,២០ម៉ែត្រ(របស់ជនសង្ស័យ)។

សមត្ថកិច្ចបានឲ្យដឹងថា នៅថ្ងៃ២១ ខែកុម្ភៈ ឆ្នាំ២០២៣ ជនរងគ្រោះបានទិញដែកខាងលើយកទៅដាក់ទុកលើដីទួល (ទីតាំងសង់កញ្ចុះ) ដីស្រែមានទំនប់ពន្ធ័ជុំវិញដោយមានអ្នកយាម តែពីកន្លែងដាក់ដែកមកទីតាំងរបស់អ្នកយាមមានចម្ងាយប្រហែល៨០០ម៉ែត្រ ក្រោយពីទុកដែករួច ជនរងគ្រោះមិនទាន់សង់កញ្ចុះទេ ព្រោះរវល់ការងារច្រើន។ ចំណែកអ្នកយាមក៏ពុំសូវល្បាតទៅដល់កន្លែងទុកដែកដែល រហូតដល់ថ្ងៃមិនចាំក្នុងខែកញ្ញា ឆ្នាំ២០២៣ អ្នកយាមដីបានរាយការណ៍តាមទូរសព្ទ័ប្រាប់ជនរងគ្រោះ ថាដែកដែលទុកធ្វើកញ្ចុះនោះមានគេលួចខ្លះៗ ហើយជនរងគ្រោះក៏ប្រាប់ទៅអ្នកយាមវិញ ថាមើលថែរក្សា និងល្បាតមើលផង កុំអោយមានបាត់ទៀត ណែនាំហើយជនរងគ្រោះក៏មិនបានទៅមើលដែកដែរ។ ចំណែកអ្នកយាមក៏ធ្វេសប្រហែសមិនបានល្បាតទៅមើលដែរ រហូតដល់ថ្ងៃទី២៣ ខែតុលា ឆ្នាំ២០២៣ វេលាម៉ោង០៨និង៣០នាទី ជនរងគ្រោះបានមកមើលដីរបស់ខ្លួន ឃើញមានស្នាមដានសង្ស័យជាចោរចូលលួចដែកម្តងទៀត  ភ្លាមនោះជនរងគ្រោះក៏បានទៅមើលទីកន្លែងទុកដែកទើប ដឹងថាបាត់ដែកអស់ ជនរងគ្រោះក៏បានហៅអ្នកយាមដីមកសួរនាំ និងបានអោយអ្នកយាមដីដើរស្វែងរកដែកដែលបាត់នោះ ។

ជនរងគ្រោះបន្តតាមដានរហូតដល់ផ្ទះទិញអេតចាយមួយកន្លែង ក៏ឃើញមានដែក២សសៃទំហំ១៤លីប្រវែង២ម៉ែត្រ គឺសង្ស័យជាដែករបស់ខ្លួន ជនរងគ្រោះបានសួរនាំអ្នកទិញអេតចាយ និងប្ដឹងមកកម្លំាងព្រហ្មទណ្ឌស្រុកកៀនស្វាយអោយជួយអន្តរាគមន៍ ទទួលបានបណ្ដឹងភ្លាមកម្លាំងជំនាញបានចុះទៅដល់ទីតាំងកើតហេតុសាកសួរលើអ្នកទិញដែក (អេតចាយ) រហូតកំណត់មុខសញ្ញាជនសង្ស័យបានតាមរយៈកិច្ចសហការពីអ្នកទិញអេតចាយ។ លុះដល់ថ្ងៃទី២៦ ខែតុលា ឆ្នាំ២០២៣ វេលាម៉ោង ២និង៤០នាទី កម្លាំងជំនាញបានឃាត់ ជនសង្ស័យឈ្មោះ យ៉ុង គុន ភេទប្រុស អាយុ៤១ឆ្នាំ ជនជាតិខ្មែរ មុខរបរនេសាទត្រី ។

នៅចំពោះមុខសមត្ថកិច្ច ជនសង្ស័យឈ្មោះ យ៉ុង គុន បានសារភាពថា ខ្លួនពិតជាបានចូលទៅក្នុងដីរបស់ជនរងគ្រោះលួចយកដែកសសៃចំនួន០២ដើម ដាក់លើទូករបស់ខ្លួនដឹកយកមកកន្លែងទិញ លក់អេតចាយប្រាកដមែន។

តាមការបំភ្លឺរបស់អ្នកទិញអេតចាយថា កន្លងមកខ្លួនធ្លាប់បានទិញដែកនិងសម្ភារៈអេតចាយចំនួន៥ដងហើយពីឈ្មោះ យ៉ុង គុន ភេទប្រុស(ជនសង្ស័យ)។

តាមការស្រោវជ្រាវរបស់សមត្ថកិច្វជំនាញនៅជុំវិញកន្លែងកើតហេតុបានប្រាប់សមត្ថកិច្ចថាឈ្មោះ យ៉ុង គុន នេះគឺជាមនុស្សមិនល្អ ធ្លាប់ប្រព្រឹត្តអំពើលួចនៅក្មុងមូលដ្ឋាន ។

ពេលនេះជនសង្ស័យខាងលើ ត្រូវបានសមត្ថកិច្ចធ្វើការសាកសួរ និងកសាងសំណុំរឿងចាត់ការតាមច្បាប់បន្តទៀត ៕ អែល វិចិត្រ