រាជធានីភ្នំពេញ ៖ បុរសម្នាក់បើករថយន្ដ ALPHARD បុកជាមួយរថយន្ដMazda ត្រង់ចំណុចផ្លូវបំបែកជាបួនពេញទំហឹង រួចខ្ទាតទៅបុករបាំងថ្មចែកទ្រូងផ្លូវបន្ថែមទៀត បណ្តាលឲ្យរងការខូចខាត កាលពីយប់ឈានចូលថ្ងៃទី២៨ ខែតុលា ឆ្នាំ២០២៣ នៅតាមបណ្ដោយផ្លូវព្រះសីហនុ កែងផ្លូវ៦៣ សង្កាត់ចតុមុខ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើកថយន្ដ ALPHARD មួយគ្រឿង ដែលពាក់ស្លាកលេខ ភ្នំពេញ 2AX-1088 បើកតាមបណ្ដោយផ្លូវ៦៣ បុកជាមួយរថយន្ដMazda ដែលពាក់ស្លាកលេខ ភ្នំពេញ 2BU-7566 ត្រង់ចំណុចផ្លូវបំបែកជាបួនពេញទំហឹង រួចខ្ទាតទៅបុករបាំងថ្មចែកទ្រូងផ្លូវបន្ថែមទៀត។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្ដទាំង២គ្រឿង ទៅរក្សាទុក រង់ការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
.jpg?1698478344)
