រាជធានីភ្នំពេញ ៖ បុរសម្នាក់បើករថយន្ត​ Range Rover មួយគ្រឿង បុក​របាំងថ្មចែកទ្រូងផ្លូវ ​បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ២និង៥៥នាទី យប់ឈានចូលថ្ងៃទី២៨ ខែតុលា​ ឆ្នាំ​២០២៣ នៅតាមបណ្ដោយផ្លូវ​ម៉ុងឬទ្ធី​ សង្កាត់​ទួល​សង្កែ​ទី២​ ខណ្ឌឬស្សីកែវ​ រាជធានី​ភ្នំពេញ​ ។

យោងទៅតាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ Range Rover មួយគ្រឿង ដែលពាក់ស្លាកលេខ ភ្នំពេញ​ 2X-5987 បើកតាមបណ្ដោយផ្លូវខាងលើ ពី​ជើងទៅត្បូង លុះដល់ចំណុចកើតហេតុ ក៏បុក​របាំងថ្មចែកទ្រូងផ្លូវ​ បណ្ដាលឲ្យរងការខូចខាតយ៉ាងដំណំតែម្តង ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្តទៅរក្សាទុក រង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka