រាជធានីភ្នំពេញ ៖ បុរសម្នាក់បើករថយន្ត​Luxe’s RX300 មួយគ្រឿងមិនប្រយ័ត្ន ក៏បានបុកគ្នានិងរថយន្ត ALPHARD បើកដោយជនបរទេស បណ្ដាលរងការខូចខាត​យ៉ាងដំណំកាលពីវេលាម៉ោង៤ទៀបភ្លឺ ត្រូវនិងថ្ងៃ​ទី​៣០ ខែតុលា​ ឆ្នាំ​២០២៣ នៅរង្វង់មូលសម្ដេចសង្ឃជួនណាត សង្កាត់​ទន្លេ​បាសាក់​​ ខណ្ឌ​ចំការមន​​ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​Luxe’s RX300 ដែលពាក់ស្លាកលេខ ភ្នំពេញ​ 2P-6598 ក្នុង​ទិសដៅ​ពី​លិចទៅកើត លុះដល់ចំណុចកើតហេតុ ក៏បានបុកគ្នានិងរថយន្ត ALPHARD ពាក់ស្លាកលេខ ភ្នំពេញ​ 2BM-3521 បើកបរដោយជនបរទេស បណ្ដាលរងការខូចខាត​ យ៉ាងដំណំ ដោយភ្លាមៗ ភាគីទាំងសងខាង ក៏បានចុះមកចរចារគ្នាមួយជំហ៊ានសិនផងដែរ តែដោយសារមិនត្រូវគ្នា ក៏ប្រគល់ឲ្យសមត្ថកិច្ចជំនាញចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញ ធ្វើការវាស់វែង យករថយន្តទៅរក្សាទុក រង់ចាំដោះស្រាយនៅពេលក្រោយ​ តាមច្បាប់បន្តទៀត ៕ Mrr Ka