រថយន្ដ Mazda BT50 បុកទម្លុះរបងសាលាភាសា មួយកន្លែង រងការខូចខាតយ៉ាងដំណំ
រាជធានីភ្នំពេញ ៖ បុរសម្នាក់បើករថយន្ដ Mazda BT50 មួយគ្រឿង បើកទៅបុកទម្លុះរបងសាលាភាសា មួយកន្លែង បណ្ដាលអោយរងការខូចខាតយ៉ាងដំណំ កាលពីវេលាម៉ោង២យប់ ត្រូវនិងថ្ងៃទី២៩ ខែតុលា ឆ្នាំ២០២៣ នៅតាមបណ្ដោយផ្លូវ២៨៣ កែងផ្លូវ៦០៨ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដ Mazda BT50 មួយគ្រឿង ដែលពាក់ស្លាកលេខ ភ្នំពេញ 2BG-2855 បើកចេញពីផ្លូវបឹងកក់ មកដល់ផ្លូវបំបែកជាបួនមិនប្រយ័ត្ន ក៏បានទៅបុកទម្លុះរបងសាលាមួយកន្លែងបណ្ដាលឲ្យរងការខូចខាតយ៉ាងដំណំ ។
ក្រោយកើតហេតុ ម្ចាស់រថយន្ដ បានចេញថ្លៃការជួសជុលរបងឡើងវិញ ដើម្បីបញ្ចប់រឿងនៅនឹងកន្លែង ៕ Mrr Ka
