រាជធានីភ្នំពេញ ៖ បុរសម្នាក់ ជិះម៉ូតូមួយគ្រឿង ចូលទិញគ្រឿងញៀន ត្រូវបានសមត្ថកិច្ចតាមចាប់ រហូតលោតចូលប្រឡាយទឹកស្អុយស្ទឹងមានជ័យ បង្កការភ្ញាក់ផ្អើល​ តែត្រូវបានសមត្ថកិច្ចឃាត់បានមកវិញ បញ្ជូនទៅកាន់ប៉ុស្តិ៍ដើម្បសួរនាំ ។

ហេតុការណ៍នេះបានកើតឡើង នៅវេលាម៉ោង ១០យប់ ថ្ងៃទី២៩ ខែតុលា ឆ្នាំ២០២៣ នៅចំណុចស្ពានលូរទឹកស្អុយ សង្កាត់​ស្ទឹងមានជ័យ​ទី២​ ខណ្ឌមានជ័យ​ រាជធានីភ្នំពេញ ។

តាមសម្ដីពីបុរសម្នាក់ដែលជាជនសង្ស័យ បានអោយដឹងថា មុនពេលកើតហេតុ គាត់មានគ្នា២នាក់ ជិះម៉ូតូ​មួយគ្រឿងឌុបគ្នាមកក្រោមស្ពានអាកាសស្ទឹងមានជ័យ រួចក៏ចូលទិញគ្រឿងញៀនមួយកញ្ចប់តូច ពេលនោះ ក៏ត្រូវបានសមត្ថកិច្ច តាមចាប់រហូតលោតចូលប្រឡាយទឹកស្អុយស្ទឹងមានជ័យ បង្កការភ្ញាក់ផ្អើល​ ដល់សមត្ថកិច្ចខណ្ឌមានជ័យ ចុះមកដល់ ក៏ឃាត់ខ្លួនជនសង្ស័យបាន បញ្ជូនទៅប៉ុស្តិ៍ស្ទឹងមានជ័យទី២ ដើម្បីចាត់ការបន្តតាមច្បាប់ ៕ Mrr Ka