រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង ដោយបុរសម្នាក់ ជិះម៉ូតូឌុបគ្នា២នាក់ប្តីប្រពន្ធ ជ្រុលទៅបុកលោកយាយដើរឆ្លងផ្លូវ បណ្តាលឲ្យរបួសធ្ងន់២នាក់ និងស្រាលម្នាក់ ត្រូវបានកងសង្គ្រោះបន្ទាន់៧១១កងពលតូចលេខ៧០ បានចេញជួយសង្គ្រោះ ។

ហេតុការណ៍នេះបានកើតឡើង កាលពីវេលាម៉ោង៧យប់ថ្ងៃទី២៨ ខែតុលា ឆ្នាំ២០២៣ នៅតាមផ្លូវជាតិលេខ៣ ភូមិជ័យឧត្តម សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។

បច្ចុប្បន្ន ជនរងគ្រោះទាំង៣នាក់ខាងលើ ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅព្យាបាលនៅមន្ទីរពេទ្យព្រះកុសុមៈ ៕ មេសា