រាជធានីភ្នំពេញ៖ បុរសម្នាក់​បើក​រថយន្ដ​ស៊េរី​ទំនើប​ TOYOTA ALPHARD បុកពីក្រោយ​រថយន្ដ​ TOYOTA COROLLA Cross ​ដែលកំពុងឈប់​ស្តុប ​នៅផ្លូវ៦០ម៉ែត្រ បណ្តាលឲ្យរងការខូចខាតយ៉ាងដំណំ កាលពីវេលាម៉ោង ១០យប់ ថ្ងៃទី៣០ ខែតុលា​ ឆ្នាំ​២០២៣ នៅ​តាម​បណ្ដោយ​ផ្លូវ​៦០ម៉ែត្រ​ កែងផ្លូវ​៣០ម៉ែត្រ​ សង្កាត់​ចាក់​អង្រែ​លើ ខណ្ឌ​មានជ័យ​ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ ​បើក​រថយន្ដ​ស៊េរី​ទំនើប​ TOYOTA ALPHARD មួយគ្រឿង ដែលពាក់​ស្លាក​លេខ​ ភ្នំពេញ​ 2BU-9798 បើកតាមបណ្ដោយផ្លូវ ៦០ម៉ែត្រ មកដល់ស្ដុបក៏បើក​ទៅបុក​រថយន្ដ​ TOYOTA COROLLA Cross ពាក់​ស្លាក​លេខ​ កម្ពុជា​ LITA.XNG ពីក្រោយពេញមួយទំហឹងដែលកំពុង​ឈប់​ស្តុប​ បណ្ដាលឲ្យ​រង​ការ​ខូចខាត ។ ភ្លាមនោះនារីដែលត្រូវគេបុករថយន្ដពីក្រោយ ក៏បានតាមឃាត់ម្ចាស់រថយន្ដ ALPHARD ដែលចង់រត់ចេញពីកន្លែងកើតហេតុ ទើបតេហៅឪពុកអោយមកជួយនិយាយគ្នា រហូតឈ្លោះប្រកែកគ្នាយ៉ាងតឹងសសៃកផងដែរ។

ក្រោយ​កើត​ហេតុ​ សមត្ថកិច្ច​ជំនាញ​ចរាចរណ៍​ផ្លូវ​គោក ​នៃ​ស្នងការដ្ឋាន​នគរបាល​រាជធានី​ភ្នំពេញ​ បានចុះ​មក​ធ្វើ​ការ​វាស់​វែង​ យក​រថយន្ដ​ទាំងពីរ​ ទៅ​រក្សា​ទុក​រង់​ការ​ដោះស្រាយ​នៅ​ពេល​ក្រោយ តាមច្បាប់បន្តទៀត ៕ Mrr Ka