រាជធានីភ្នំពេញ ៖ កងង្គ្រោះបន្ទាន់៧១១ កងពលតូចលេខ៧០ បានចេញជួយសង្គ្រោះករណីគ្រោះថ្នាក់ចរាចរណ៍

រវាងម៉ូតូកង់បី បើកបុកបុរសម្នាក់ រុញផ្ទប់ជាមួយនឹងរថយន្ត បណ្តាលឲ្យរងរបួសធ្ងន់២នាក់ ។

ហេតុការណ៍នេះ កើតឡើងនៅវេលាម៉ោង០៤និង១៥នាទី ថ្ងៃទី៣១ ខែតុលា ឆ្នាំ២០២៣ នៅផ្លូវជាតិលេខ៣ ភូមិស្រែជម្រៅ សង្កាត់ចោមចៅ ២ ខណ្ឌពោធិ៍សែនជ័យ រាជធានីភ្នំពេញ

សូមបញ្ជាក់ថា តាមរបាយការណ៍ដែលក្រុមការងារTVFB ទទួលបាន ករណីនេះ ជនរងគ្រោះ របួសធ្ងន់ទាំង២នាក់ ម្នាក់ខាងរថយន្ត របួសបាក់ជើង ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ។

ចំណែកជនរងគ្រោះម្នាក់ទៀត ខាងអ្នកបើកម៉ូតូកង់បី រងរបួសបាក់ជើង និងបែកមុខ ត្រូវបានរថយន្តសង្គ្រោះរបស់មន្ទីរពេទ្យបង្អែកពោធិចិនតុង ដឹកបញ្ជូនទៅមន្ទីរពេទ្យ ព្រះកុសុមៈ ដូចគ្នា ៕ មេសា