រាជធានីភ្នំពេញ ៖ ជនសង្ស័យម្នាក់ ជិះម៉ូតូមួយគ្រឿង ធ្វើសកម្មភាព ឆក់កាបូបពីស្ត្រីម្នាក់ តែមិនបានសម្រេច បណ្តាលឲ្យម៉ូតូដួលតាមផ្លូវរងរបួស ត្រូវបានប្រជាពលរដ្ឋហៅកង់បីដឹកទៅសង្គ្រោះនៅមន្ទីរពេទ្យ ។

ហេតុការណ៍នេះបានកើតឡើងកាលពីវេលាម៉ោង ១១និង ០៣នាទី ព្រឹកថ្ងៃទី៣១ ខែតុលា ឆ្នាំ២០២៣ នៅចំណុចផ្លូវ៣៧១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

តាមប្រភពព័ត៌មាន ស្ត្រីរងគ្រោះខាងលើ មានមុខរបរជាគ្រូបង្រៀន នៅក្រុងតាខ្មៅ ហើយក្រោយពីឆក់មិនបានសម្រេច​ហើយនោះ ជនសង្ស័យបានជិះគេចខ្លួនបាត់ នៅតែជនរងគ្រោះប៉ុណ្ណោះដែលរបួស ត្រូវបានដឹកតាមកង់បី ទៅសង្គ្រោះនៅមន្ទីរពេទ្យ ចំណែកម៉ូតូប្រគល់ឲ្យសមត្ថកិច្ចយកទៅរក្សាទុកនៅប៉ុស្តិ៍ ដើម្បីរង់ចាំម្ចាស់មកទទួល និងដាក់ពាក្យបណ្តឹង ចាត់ការតាមច្បាប់ ៕

វិចិត្រ