រាជធានីភ្នំពេញ ៖ មានការភ្ញាក់ផ្អើលទាំងយប់ ខណៈយុវជនម្នាក់ ជាអ្នកដឹកជញ្ជូន Wow Now បានសរសេរបណ្តាំចុងក្រោយ ទុកជាមួយម៉ូតូ រួចលោតសម្លាប់ខ្លួនពីលើស្ពានជ្រោយចង្វារ សំណាងអាយុមិនទាន់អស់ បានអណ្តែតតាមទឹក រហូតមកដល់ម្តុំវត្តភ្នំ ត្រូវបានមិត្តភក្តិមកជួយសែងឡើងគោក ដឹកយកទៅមន្ទីរពេទ្យ ខណៈប្រពន្ធវិញ ទទួលបានដំណឹង រត់តាមម៉ូតូ សុំគេជិះទៅមើលប្តី ។

ហេតុការណ៍នេះបានកើតឡើងកាលពីវេលាម៉ោង ១១យប់ ថ្ងៃទី២ ខែវិច្ឆិកា ឆ្នាំ២០២៣ នៅចំណុចលើស្ពានជ្រោយចង្វារ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

ប្រភពព័ត៌មានបានឲ្យដឹងថា យុវជនដែលព្យាយាមគិតខ្លីសម្លាប់ខ្លួននេះ មានឈ្មោះ ថន សុនី ភេទប្រុស អាយុ១៩ឆ្នាំ មានស្រុកកំណើតនៅស្រុកស្វាយជ្រុំ ខេត្តស្វាយរៀង ។

ចំណែកក្នុងបណ្តាំដែលយុវជនខាងលើ សរសេរទុក បានរៀបរាប់ថា «អូនហា កុំភ្លេចញ៉ាំបាយឲ្យអស់ណា ប្រពន្ធសម្លាញ់បងទិញទុកឲ្យអូន អូនហាពេលអត់ពីបងទៅ អូនត្រូវញ៉ាំបាយឲ្យបានច្រើនណាប្រពន្ធសម្លាញ់ បងស្រលាញ់អូននិងកូន ប្រពន្ធបងស្អាតណាស់ ... ៕ នុច