រាជធានីភ្នំពេញ ៖ យុវជន២នាក់ ជិះម៉ូតូឌុបគ្នាមកពីវត្តភ្នំ មិនប្រយ័ត្ន បើកទៅបុករថយន្ត Ford Ranger ចំពាក់កណ្ដាលរថយន្ដ បណ្ដាលរងរបួសធ្ងន់ម្នាក់ ស្រាលម្នាក់ ត្រូវបានបញ្ជូនទៅមន្ទីរពេទ្យ ។
ហេតុការណ៍នេះ បានកើតឡើងនៅតាមបណ្ដោយផ្លូវលេខ១៣ សង្កាត់វត្តភ្នំ ខណ្ឌដូនពេញ រាជធានីភ្នំពេញ វេលាម៉ោង៩យប់ ថ្ងៃទី២ ខែវិច្ឆិកា ឆ្នាំ២០២៣ ។
តាមប្រភពព័ត៌មានពីបងប្អូនប្រជាពលរដ្ឋ បានដឹងថា មុនពេលកើតហេតុ គេបានឃើញយុវជន២នាក់ ជិះម៉ូតូDream សេ១២៥ ពាក់ស្លាកលេខ ភ្នំពេញ 1IX-8205 ឌុបគ្នាពីវត្តភ្នំ មកក្នុងទិសដៅពីលិចទៅកើតមិនប្រយ័ត្ន បើកទៅបុករថយន្ត Ford Ranger ពាក់ស្លាកលេខរដ្ឋ ០៧ 2-4168 ចំពាក់កណ្ដាលរថយន្ដ បណ្ដាលរងរបួសធ្ងន់ម្នាក់ ស្រាលម្នាក់ ត្រូវបានរថយន្ដសាមុយ ដឹកបញ្ជូនទៅមន្ទីរពេទ្យ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានធ្វើការវាស់វែង យករថយន្តនិងម៉ូតូទៅរក្សាទុក រង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka
