រាជធានីភ្នំពេញ ៖ បុរសម្នាក់បើករថយន្ដCAMRYមួយគ្រឿង ក្នុងល្បឿនលឿនមិនប្រយ័ត្ន បើកទៅបុករបាំងថ្មចែកផ្លូវទាំងកម្រោល នៅមុខសាលាខណ្ឌពោធិ៍សែនជ័យ បណ្ដាលអោយរងការខូចខាតយ៉ាងដំណំ កាលពីវេលាម៉ោង ១យប់ត្រូវនិងថ្ងៃទី០៣ ខែវិច្ឆិកា ឆ្នាំ២០២៣ នៅតាមបណ្ដោយផ្លូវសហព័ន្ធរុស្ស៊ី សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានដឹងថា មុនពេលកើតហេតុ គេបានឃើញបុរសម្នាក់ បើករថយន្ដ CAMRY ពណ៌ស ពាក់ស្លាកលេខ ភ្នំពេញ 2BU-7385 ក្នុងល្បឿនលឿនមិនប្រយ័ត្ន បើកទៅបុករបាំងថ្មចែកទ្រូងផ្លូវ ទាំងកម្រោលបណ្ដាលអោយខ្ទាតចេញពីកន្លែងដើមចំនួន២កង់ រថយន្តរងការខូចខាតយ៉ាងដំណំ សំណាងគ្មានអ្នករបួស ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្ដទៅរក្សាទុករង់ចាំការដោះស្រាយនៅពេលក្រោយតាមច្បាប់បន្តទៀត ៕ Mrr Ka
.jpg?1698990319)
