រាជធានីភ្នំពេញ ៖ នារីម្នាក់ បើករថយន្ត​ Luxes C430 ស៊េរីទំនើប មួយគ្រឿងបុកគ្នាជាមួយនិងម៉ូតូស្កុបពីត្រង់ផ្លូវបំបែកជាបួន បណ្តាលឲ្យរងការខូចខាត និងមានអ្នករបួស កាលពីវេលាម៉ោង ១និង៣០នាទី រំលងអាធ្រាត្រ​ឈានចូល​ថ្ងៃ​ទី​៦​ ខែវិច្ឆិកា​ ឆ្នាំ​២០២៣ នៅចំណុចស្តុប​អតីត​រោងកុន​លុច្ស​ តាមបណ្ដោយផ្លូវ​ព្រះនរោត្តម​ សង្កាត់​ផ្សារ​ថ្មី​ទី៣​ ខណ្ឌ​ដូនពេញ​ រាជធានី​ភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋបានដឹងថា មុនពេលកើតហេតុ គេបានឃើញបុរសម្នាក់ជិះម៉ូតូ​ ស្កុបពី​ ពាក់ស្លាកលេខភ្នំពេញ​ 1JX-1347 ក្នុងទិសដៅពីជើងទៅត្បូង បុកគ្នាជាមួយរថយន្ត​ Luxes C430 ស៊េរីទំនើប ដែលពាក់ស្លាកលេខ ភ្នំពេញ​ 2S-8081 បណ្ដាលរងរបួសម្នាក់​ ភ្លាមនោះម្ចាស់រថយន្ដដែលជាស្រីស្អាត បានចុះមកជួយលើក និងនិយាយសម្របសម្រួល ដោះស្រាយគ្នាបញ្ចប់រឿងនៅនឹងកន្លែងកើតហេតុ ៕ Mrr Ka