រាជធានីភ្នំពេញ​៖ បុរសម្នាក់បើករថយន្ត​ Honda CIVIC បុកម៉ូតូ​ បណ្ដាលឲ្យបុរសម្នាក់ រងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ។

ហេតុការណ៍នេះបានកើតឡើង កាលពីវេលាម៉ោង ​​១០យប់​ ថ្ងៃទី​០៤​ ខែ​វិច្ឆិកា​ ឆ្នាំ​២០២៣ នៅតាមបណ្ដោយផ្លូវ​ជាតិ​លេខ​៦A សង្កាត់​ជ្រោយ​ចង្វារ​ ខណ្ឌជ្រោយចង្វារ​​ រាជធានីភ្នំពេញ ។

តាមប្រភពព័ត៌មាន បានឲ្យដឹងថា មុនពេលកើតហេតុ គេបានឃើញ បុរសម្នាក់បើករថយន្ត​ Honda CIVIC ពាក់ស្លាកលេខ ភ្នំពេញ​ 2BI-0608 ក្នុង​ទិសដៅ​ពីជើង​ទៅត្បូង បុកម៉ូតូ​ស្កុបពី​ ពាក់ស្លាកលេខ ភ្នំពេញ​ 1AX-0883 បត់ឆ្លងផ្លូវ បណ្ដាលរងរបួសធ្ងន់ម្នាក់ ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​នៃអធិការដ្ឋាន​នគរបាល​ខណ្ឌជ្រោយចង្វារ​ បានចុះមកធ្វើការវាស់វែងយករថយន្តនិងម៉ូតូទៅរក្សាទុក រង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka