រាជធានីភ្នំពេញ ៖ រថយន្តឡង់គ្រឺស័រមួយគ្រឿង បើកក្នុងល្បឿនលឿន ជ្រុលទៅបុកបង្កាន់ដៃផ្លូវល្បឿនលឿន បាក់ជាច្រើនផ្ទាំង បណ្ដាលអោយរថយន្ដរងការខូចខាតយ៉ាងដំណំ កាលពីវេលាម៉ោង ១និង ៣០នាទីយប់ឈានចូល ថ្ងៃទី៥ ខែវិច្ឆិកា ឆ្នាំ២០២៣ នៅចំណុចមហាវិថីឈ្នះឈ្នះ ក្នុងសង្កាត់សំរោងក្រោម ខណ្ឌ ពោធិ៍សែនជ័យ រាជធានីភ្នំពេញ ។

តាមប្រភពព័ត៌មានពីសមត្ថកិច្ចចរាចរណ៍នៅផ្លូវល្បឿនលឿន បានដឹងថា មុនពេលកើតហេតុ គេបានឃើញបុរសម្នាក់ បើករថយន្តម៉ាកឡង់គ្រឺស័រមួយគ្រឿង ដែលពាក់ស្លាកលេខ ភ្នំពេញ 2BG 1891 បើកតាមបណ្ដោយផ្លូវល្បឿនលឿនពីលិចទៅកើត ក្នុងល្បឿនលឿន ជ្រុលទៅបុកបង្កាន់ដៃផ្លូវល្បឿនលឿន បាក់ជាច្រើនផ្ទាំង បណ្ដាលអោយរថយន្ដរងការខូចខាតយ៉ាងដំណំតែម្តង ។

ក្រោយពេលកើតហេតុ សមត្ថកិច្ចក៏បានមកដល់បានធ្វើការវាស់វែង យករថយន្តខាងលើនោះយកទៅរក្សាទុក រង់ចាំដោះស្រាយគ្នាពេលក្រោយតាមច្បាប់បន្តទៀត ៕ Mrr Ka