រថយន្ដ PORSCHE ស៊េរីទំនើប រេចង្កូតបុករបាំងថ្មចែកទ្រូងផ្លូវរងការខូចខាតយ៉ាងដំណំ
រាជធានីភ្នំពេញ ៖ រថយន្ដ PORSCHE ស៊េរីទំនើបមួយគ្រឿង បើករេចង្កូតបុករបាំងថ្មពុះចែកទ្រូងផ្លូវ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ៤ទៀបភ្លឺ ថ្ងៃទី០៩ ខែវិច្ឆិកា ឆ្នាំ២០២៣ នៅតាមបណ្ដោយផ្លូវ១៦៩ សង្កាត់វាលវង់ ខណ្ឌ៧មករា រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋ និង សមត្ថកិច្ច បានដឹងថា មុនពេលកើតហេតុ គេបានរថយន្ដ PORSCHE ដែលពាក់ស្លាកលេខ ភ្នំពេញ 2AI-9916 បើកបរដោយនារីម្នាក់ ក្នុងទិសដៅពីជើងទៅត្បូង រេចង្កូតបុករបាំងថ្មចែកទ្រូងផ្លូវចំនួនមួយកង់ បណ្ដាលឲ្យរងការខូចខាតយ៉ាងដំណំ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្ដទៅរក្សាទុក រង់ចាំការដោះស្រាយនៅពេលក្រោយតាមច្បាប់បន្តទៀត ៕ Mrr Ka
.jpg?1699521911)
