រាជធានីភ្នំពេញ ៖ បុរសម្នាក់​បើក​រថយន្ដ​ TOYOTA រេចង្កូតទៅ​បុក​របាំង​ថ្មចែក​ទ្រូង​ផ្លូវ​ បណ្ដាល​ឲ្យ​រងការយ៉ាងដំណំ កាលពីវេលាម៉ោង១២យប់ ថ្ងៃទី៩ ខែវិច្ឆិកា ឆ្នាំ២០២៣ នៅចំណុចផ្លូវ​ព្រះសីហនុ​ កែងផ្លូវ​១១៣ សង្កាត់​បឹងកេងកង​ទី២ ខណ្ឌ​បឹងកេងកង​ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានដឹងថា មុនពេលកើតហេតុ គេបានឃើញ បុរសម្នាក់​ បើក​រថយន្ដ​ TOYOTA VIOS មួយគ្រឿង ពាក់​ស្លាក​លេខ​ ខេមរភូមិន្ទ​01​ 2-9804 បើកតាមបណ្ដោយផ្លូវព្រះសីហនុ ក្នុងទិសដៅពីលិចមកកើត មកដល់កន្លែងកើតហេតុ ក៏រេចង្កូត​បុក​របាំង​ថ្ម​ចែក​ទ្រូង​ផ្លូវ​ បណ្ដាល​ឲ្យ​រងការខូចខាតយ៉ាងដំណំ ។

ក្រោយ​កើត​ហេតុ​ សមត្ថកិច្ច​ជំនាញ​ចរាចរណ៍​ផ្លូវ​គោក​នៃ​ស្នងការដ្ឋាន​នគរបាល​រាជធានី​ភ្នំពេញ​ ចុះ​មក​ធ្វើ​ការ​វាស់​វែង​យក​រថយន្ដ​ ទៅ​រក្សា​ទុក​រង់ចាំ​ការ​ដោះស្រាយ​នៅ​ពេល​ក្រោយ ៕ Mrr Ka