រាជធានីភ្នំពេញ ៖ កម្លាំងអធិការដ្ឋាននគរបាលខណ្ឌឬស្សីកែវ បានធ្វើការបង្ក្រាបឃាត់ខ្លួនបាន ជនសង្ស័យចំនួន ៣នាក់ ដែលធ្វើសកម្មភាព លួចកាច់ផ្លាកលេខរថយន្ត នៅចំណុចផ្ទះលេខ59 ផ្លូវ៣៥៥ ក្រុម១ ភូមិទួលគោក សង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ នៅថ្ងៃទី៧ ខែវិច្ឆិកា ឆ្នាំ២០២៣ វេលាម៉ោង២ ។
សមត្ថកិច្ចបានឲ្យដឹងថា ជនសង្ស័យខាងលើទាំង ៣នាក់នេះ ត្រូវសមត្ថកិច្ចឃាត់ខ្លួនបាននៅថ្ងៃទី ៩ ខែវិច្ឆិកា ឆ្នាំ២០២៣ វេលាម៉ោង១២ និង ៣០នាទី រួមមាន ៖
ទី១. ឈ្មោះ គៀង ចៅសំ ភេទប្រុស អាយុ៣១ឆ្នាំ មានទីលំនៅបន្ទប់ជួល ផ្លូវកា៥ ភូមិចុងខ្សាច់ សង្កាត់ទួលសង្កែ ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ។
ទី១. ឈ្មោះ សុខ វណ្ណ ភេទប្រុស អាយុ៣៧ឆ្នាំ មានទីលំនៅបន្ទប់ជួល ផ្លូវកា៥ ភូមិចុងខ្សាច់ សង្កាត់ទួលសង្កែទី ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ។
ទី១. ឈ្មោះ ឌីន ប៉ូលី ភេទប្រុស អាយុ៣៩ឆ្នាំ មានទីលំនៅបន្ទប់ជួល ផ្លូវកា៥ ភូមិចុងខ្សាច់ សង្កាត់ទួលសង្កែទី ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ។
ក្នុងនោះ វត្ថុតាងដកហូតបានរួមមាន ៖
-សោសៀរលេខ៨ចំនួន០១ដើម
-ដែកសំប៉ែតកែច្នៃចុងស្រួចចំនួន០៤ដើម
-សរសៃលួសកែច្នៃចំនួន០១ដើម
-និងផ្លាកលេខរថយន្តចំនួន០២សន្លឹក ភ្នំពេញ 2AU2068 ។
បច្ចុប្បន្នជនសង្ស័យទាំង៣នាក់ខាងលើ ត្រូវបានសមត្ថកិច្ចធ្វើការសាកសួរ និងកសាងសំណុំរឿងចាត់ការតាមច្បាប់បន្តទៀត ៕ អែល វិចិត្រ
