មុខសញ្ញា ឆក់កាបូបតាមផ្លូវសាធារណៈ ចំនួន៣នាក់ ត្រូវសមត្ថកិច្ចខណ្ឌពោធិ៍សែនជ័យ បង្ក្រាបបាន
រាជធានីភ្នំពេញ ៖ ជនសង្ស័យចំនួន០៣នាក់ ពាក់ព័ន្ធករណីឆក់កាបូបតាមផ្លូវសាធារណៈ ត្រូវបានកម្លាំងអធិការដ្ឋានគរបាលខណ្ឌពោធិ៍សែនជ័យ ធ្វើការឃាត់ខ្លួនបាន។ នេះបើយោងតាមផេក ស្នងការដ្ឋាននគរបាលរាជធានីភ្នំពេញ ។
ការបង្ក្រាបនេះ បានធ្វើឡើងនៅម៉ោង ៨យប់ ថ្ងៃទី៨ ខែវិច្ឆិកា ឆ្នាំ២០២៣ ក្នុងភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
ក្នុងនោះសមត្ថកិច្ចជំនាញ ធ្វើការដកហូតបាន វត្ថុតាងរួមមាន ៖ កាបូបស្ពាយចំហៀង កាបូបដៃចំនួន៧និងសម្ភារៈជាច្រើនទៀត។
បច្ចុប្បន្នជនសង្ស័យ កំពុងឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់៕
