រាជធានីភ្នំពេញ ៖ រថយន្តកុងតឺន័រចំនួន ៣គ្រឿង បុកតកន្ទុយគ្នា បណ្ដាលអោយរងការខូចខាតធ្ងន់ធ្ងរ កាលពីវេលាម៉ោង១០យបើ ថ្ងៃទី១១ ខែវិច្ឆិកា ឆ្នាំ២០២៣ នៅតាមបណ្តោយផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញរថយន្តកុងតឺន័រមួយគ្រឿង ដែលពាក់ស្លាកលេខរដ្ឋ 3-0193 បើកបានឈប់នៅចិញ្ចើមផ្លូវតាមបណ្ដោយផ្លូវជាតិលេខ៤ ភ្លាមនោះក៏មានរថយន្តកុងតឺន័រ២គ្រឿងទៀត បានបុកគ្នា ហើយរ៉េចង្កូតមកបុករុញគូទកុងតឺន័រ ដែលឈប់ចោលនៅចិញ្ចើមផ្លូវខាងលើ បណ្ដាលឲ្យរថយន្តខូចខាតទាំង៣គ្រឿង តែក្នុងនោះ មានមួយគ្រឿងគាបជាប់ ។

ក្រោយកើតហេតុ សមត្ថកិច្ចបានធ្វើការវាស់វែង យករថយន្តកុងតឺន័រទាំង៣គ្រឿងនេះ ទៅរក្សាទុកនៅស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់បន្តទៀត ៕ Mrr Ka