រាជធានីភ្នំពេញ ៖ ប្តីប្រពន្ធ ជាជនបរទេស២នាក់ បើករថយន្តម៉ាកForTuner មួយគ្រឿងសង្ស័យក្នុងល្បឿនលឿនដូចហោះ ទៅបុករបាំងថ្មចែកទ្រូងផ្លូវ ក្រឡាប់ផ្ងារជើង ផ្លោងទៅផ្លូវមួយចំហៀងទៀត ។
ហេតុការណ៍នេះ បានកើតឡើងនៅតាមបណ្ដោយផ្លូវសហព័ន្ធរុស្ស៊ី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ វេលាម៉ោង១យប់ រំលងអាធ្រាត្រ ឈានចូលថ្ងៃទី១២ ខែវិច្ឆិកា ឆ្នាំ២០២៣ ។
តាមប្រភពព័ត៌មានពីបងប្អូនប្រជាពលរដ្ឋ និង សមត្ថកិច្ច បានដឹងថា មុនពេលកើតហេតុ គេបានឃើញប្តីប្រពន្ធ ជាជនបរទេស២នាក់ បើករថយន្តម៉ាក ForTuner មួយគ្រឿង ដែលពាក់ស្លាក់ កម្ពុជា YIANG 66 បើកតាមបណ្ដោយផ្លូវ សហព័ន្ធរុស្ស៊ី ក្នុងទិសដៅពីកើតមកលិច មកដល់កន្លែងកើតហេតុ សង្ស័យក្នុងល្បឿនលឿនដូចហោះ ដូចហោះទៅបុករបាំងថ្មចែកទ្រូងផ្លូវ ក្រឡាប់ផ្ងារជើង ផ្លោងទៅផ្លូវម្ខាងទៀត ។
ក្រោយពេលកើតហេតុសមត្ថកិច្ច ជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយករថយន្ដ ទៅរក្សាទុករង់ចាំការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
.jpg?1699858398)
