ខេត្តកំពង់ស្ពឺ ៖ ជនសង្ស័យម្នាក់ ជាមុខសញ្ញាបាញ់កញ្ចក់រថយន្ដ ដោយប្រើចំពាមកៅស៊ូ ត្រូវបានសមត្ថកិច្ចឃាត់ខ្លួន នៅស្រុកសាមគ្គីមុនីជ័យ ។ នេះបើយោងតាមផេក ស្នងការដ្ឋាននគរបាលខេត្តកំពង់ស្ពឺ ។
សូមបញ្ជាក់ថា ហេតុការណ៍នេះ កើតឡើងនៅថ្ងៃទី១០ ខែវិច្ជិកា ឆ្នាំ២០២៣ វេលាម៉ោង៨និង៣០នាទីយប់ នៅចំណុចភូមិទឹកឬស្សី ឃុំមានជ័យ ស្រុកសាមគ្គីមុនីជ័យ ខេត្តកំពង់ស្ពឺ មានករណីបាញ់កញ្ចក់រថយន្ត បង្កដោយឈ្មោះ យ៉ុង លីថង ភេទប្រុស អាយុ ២៦ឆ្នាំ រស់នៅភូមិឃុំកើតហេតុខាងលើ។
សមត្ថកិច្ចបានឲ្យដឹងថា ជនសង្ស័យបានយកចំពាមកៅស៊ូបាញ់គ្រាប់ឃ្លីថ្ម បាញ់ឡើងលើបណ្ដាលអោយខ្ទាតត្រូវចំកញ្ចក់រថយន្តមួយគ្រឿង ជាកម្មសិទ្ធិឈ្មោះ យ៉ាវ មុំ ភេទស្រី អាយុ ៤១ឆ្នាំ បណ្តាលអោយបែកប្រេះស្រាំកញ្ចក់រថយន្តផ្នែកខាងមុខ ខណៈរថយន្តទុកចតនៅដីឡូផ្ទះរបស់ខ្លួន ។
ក្រោយកើតហេតុនិងទទួលបានបណ្ដឹងជំនាញស្រុក បានចុះសហការជាមួយប៉ុស្តិ៍នគរបាលរដ្ឋបាលមានជ័យហៅជនសង្ស័យមកអធិការដ្ឋាននគរបាលស្រុកសាមគ្គីមុនីជ័យ ដើម្បីសាកសួរ យោងតាមឆ្លើយសារភាពរបស់ជនសង្ស័យខាងលើបានសារភាពថា រូបគេពិតជាបានបាញ់កញ្ចក់រថយន្តឈ្មោះ យ៉ាវ ម៉ុម ពិតប្រាកដមែន មូលហេតុខ្លួនបាញ់លេង ។
បច្ចុប្បន្នសមត្ថកិច្ចនគរបាលបានបំពេញនីតិវិធី ដើម្បីចំណាត់ការបន្ដ៕
.jpg?1699858831)
.jpg?1699858831)
